ខែ្សប្រយុទ្ធឆ្នើម Neymar គឺមានទេពកោសល្យយ៉ាងអស្ចារ្យ ហើយថៃ្ងណាមួយរូបគេនឹងអាចដណ្ដើមតំណែង Messi និង Ronaldo ក្លាយជាកីឡាករល្អជាងគេថែមទៀតផង, នេះបើតាមអតីតគ្រូបង្វឹកលោក Unai Emery។

កីឡាកររបស់ក្រុមជម្រើសជាតិប្រេស៊ីលនេះ បានធើ្វការជាមួយអតីតគ្រូ Arsenal នៅរដូវកាលឆ្នាំ២០១៧ ពោលគឺនៅពេលដែល Neymar បានមកកាន់ PSG នៅឆ្នាំដំបូង។

«ខ្ញុំមានរដូវកាលដ៏អស្ចារ្យជាមួយគេ (Neymar)។ ខ្ញុំសិក្សាបានច្រើននិងស្វែងយល់ពីគេបានច្រើនអំឡុងហ្វឹកហាត់ និងក្នុងការប្រកួត។ Neymar មានទេពកោសល្យក្នុងខ្លួនរបស់គេ ថែមទាំងមានគុណភាពដែលមិនអាចប្រកែកបាន» Emery និយាយក្នុងកិច្ចសម្ភាសមួយ។

«ខ្ញុំគិតថា គេនឹងមានឱកាសដើម្បីដណ្ដើមតំណែង Messi និង Ronaldo ក្លាយជាកីឡាករល្អជាងគេលើលោក, ពេលនេះរូបគេនៅសល់ពេលច្រើនទៀតដើម្បីធើ្វរឿងនេះ»៕

ប្រភព៖ Dailymail

from： https://tnaot.com/km/m/detail/article/9192617