Sign In 
អ្នកជំងឺកូវីដ ១៩ ជនជាតិខ្មែរម្នាក់ចុងក្រោយដែលស្ថិតក្នុងខេត្តព្រះសីហនុ បានជាសះស្បើយហើយ នេះបើតាមការប្រកាសពីក្រសួងសុខាភិបាល នៅព្រឹកថ្ងៃទី០២ ខែឧសភា ឆ្នាំ២០២០។
បើទោះបីជានៅក្នុងខេត្តព្រះសីហនុ លែងមានអ្នកផ្ទុកនូវជំងឺកូវីដ ១៩ និងពុំមានអ្នកឆ្លងទៀតក៏ដោយក្តី លោក គួច ចំរើន អភិបាលខេត្តព្រះសីហនុ នៅតែអំពាវនាវឱ្យប្រជាពលរដ្ឋទាំងអស់ បង្កើនការប្រុងប្រយ័ត្ន និងការពារឱ្យបានខ្ជាប់ខ្ជួនតាមការណែនាំរបស់ក្រសួងសុខាភិបាល។
ជាពិសេសលោកអភិបាលខេត្ត្ ក៏បានជំរុញឱ្យមន្ត្រី និងអាជ្ញាធរពាក់ព័ន្ធទូទាំងខេត្ត បន្តផ្សព្វផ្សាយអប់រំប្រជាពលរដ្ឋ កុំឱ្យមានការធ្វេសប្រហែសលើកិច្ចការពារទៅលើជំងឺរាតត្បាតសកលមួយនេះ៕ ដោយ ៖ សុង យូ
