Welcome

Labore et dolore magna aliqua. Ut enim ad minim veniam

Select Your Favourite
Category And Start Learning.

លី សូវ៉ាន់៖ ការទទួលស្គាល់គុណភាពមន្ទីរពិសោធន៍កម្ពុជាពី WHO ជាសក្ខីភាពនៃគុណភាពវេជ្ជសាស្រ្តកម្ពុជា

ភ្នំពេញ៖ ការទទួលស្គាល់នូវគុណភាពមន្ទីរពិសោធន៍របស់កម្ពុជា (វិទ្យាស្ថានប៉ាស្ទ័រកម្ពុជា) ពីសំណាក់អង្គការសុខភាពពិភពលោក (WHO) គឺបានបង្ហាញពីសក្ខីភាព នៃគុណភាពវេជ្ជសាស្រ្តសុខាភិបាលរបស់ប្រទេសកម្ពុជា។ នេះបើយោងតាមលោក លី សូវ៉ាន់ ប្រធាននាយកដ្ឋានប្រយុទ្ធនឹងជំងឺឆ្លង និងជាអ្នកនាំពាក្យក្រសួងសុខាភិបាល ថ្លែងប្រាប់ទីភ្នាក់ងារសារព័ត៌មានកម្ពុជា (AKP) នាថ្ងៃទី២ ខែឧសភា ឆ្នាំ២០២០នេះ។

លោក លី សូវ៉ាន់ បានមានប្រសាសន៍ថា៖ “ការទទួលបានការទទួលស្គាល់ជាផ្លូវការពីសំណាក់អង្គការសុខភាពពិភពលោក ក្នុងការពិសោធន៍រកមេរោគកូវីដ១៩ គឺត្រូវឆ្លងកាត់ការវាយតម្លៃនូវលក្ខខណ្ឌបច្ចេកទេសត្រឹមត្រូវច្បាស់លាស់មួយ ខណៈនៅក្នុងប្រទេសកម្ពុជាយើង គឺមានតែវិទ្យាស្ថានប៉ាស័្ទរកម្ពុជាប៉ុណ្ណោះដែលត្រូវបានទទួលស្គាល់ជាផ្លូវការ បន្ទាប់ពីបានបំពេញនូវលក្ខខណ្ឌបច្ចេកទេសរបស់អង្គការសុខភាពពិភពលោក”។

គួរបញ្ជាក់ផងដែរថា វិទ្យាស្ថានប៉ាស័្ទរកម្ពុជា ស្ថិតក្នុងចំណោមមន្ទីរពិសោធន៍ សម្រាប់ការពិនិត្យមេរោគកូវីដ១៩ ទាំង២៦ នៃប្រទេសចំនួន២២ ដែលជាសមាជិកបណ្តាញមន្ទីរពិសោធន៍បង្អែក នៃអង្គការសុខភាពពិភពលោក គិតត្រឹមថ្ងៃទី២៩ ខែមេសា ឆ្នាំ២០២០៕ ដោយ៖ តារា

from: https://tnaot.com/km/m/detail/article/9188932