ករណីអ្នកឆ្លងវីរុសកូរ៉ូណាថ្មីចំនួន ៣ករណីត្រូវបានការរាយការណ៍នៅភូកេត ដែលក្នុងនោះមានអ្នកជំងឺជាស្ត្រីចំនួន ២នាក់និងជាបុរសម្នាក់ដែលធ្វើឱ្យអ្នកឆ្លងវីរុសសរុបកើនឡើងដល់ ២២០នាក់។

អ្នកជំងឺទី ២១៨ជាស្ត្រីជនជាតិថៃអាយុ ៥៨ឆ្នាំ មុខរបរមេផ្ទះ។ តាមការរាយការណ៍កាលពីថ្ងៃសៅរ៍បានឱ្យដឹងថា គាត់ធ្លាប់បានទាក់ទង​ទៅនឹងអ្នកជំងឺ​ដែលផ្ទុកវីរុសកូរ៉ូណា នៅក្នុងតំបន់ Bangtao ឃុំ tambon Choeng Thalae ក្នុងស្រុក Thalang។ អ្នកជំងឺទី២១៩ ជាបុរសជនជាតិថៃអាយុ ៤៨ឆ្នាំជាអ្នកលក់ដូរ។ អ្នកជំងឺទី ២២០ ជាស្ត្រីអាយុ ២១ឆ្នាំកំពុងធ្វើការនៅហាង​មួយក្នុងតំបន់ Bangtao ។ គណៈកម្មការបាននិយាយថា អ្នកឆ្លងវីរុសកូរ៉ូណាទាំងបីករណីថ្មីសុទ្ធតែមិនមានរោគសញ្ញាអ្វីទាំងអស់។

រូបតំណាង

ចាប់ពីថ្ងៃទី៥ មករាដល់ថ្ងៃទី១ ឧសភា ចំនួនអ្នកឆ្លងវីរុសសរុបក្នុងខេត្តមានចំនួន ២២០ករណី​។ ក្នុងនោះមានពីរនាក់បានស្លាប់ដោយសារជំងឺនេះ ហើយមានម្នាក់​ស្លាប់ដោយសារ​​​គ្រោះថ្នាក់ចរាចរណ៍​ និង ចំនួនមានអ្នកជាសះស្បើយមាន ១៧៧នាក់ដែលត្រូវបានអនុញ្ញតឱ្យចេញពីមន្ទីរពេទ្យ។ គណៈកម្មាធិការខេត្តបាននិយាយថាអ្នកជំងឺក្នុងខេត្តនេះមាន ៤១នាក់កំពុងសម្រាក​ព្យាបាលក្នុងមន្ទីរពេទ្យនៅឡើយ។ 

កែសម្រួលដោយ៖ ភារ៉ា

ប្រភព៖ Bangkok Post

from： https://tnaot.com/km/m/detail/article/9188786