Welcome

Labore et dolore magna aliqua. Ut enim ad minim veniam

Select Your Favourite
Category And Start Learning.

អ៊ីរ៉ង់និងវេណេហ្ស៊ុយអេឡា កំពុងប្រឈមនឹងវិបត្តិ​យ៉ាងខ្លាំង​ ដោយសារទណ្ឌកម្មអាមេរិក និងតម្លៃប្រេងធ្លាក់ថ្លៃ

អ៊ីរ៉ង់ និងវេណេហ្ស៊ុយអេឡា ជាប្រទេស​ដែលរងការដាក់ទណ្ឌកម្មរបស់អាមេរិក ដូចគ្នា។ ជាមួយគ្នានេះតម្លៃប្រេងធ្លាក់ថ្លៃ ក៏ដូចជា​ ការវាយប្រហារ ដោយកូវីដ​១៩ ​ធ្វើ ឲ្យប្រទេសទាំងពីរ ជួបនឹងវិបត្តិកាន់តែខ្លាំងឡើង។

រយៈពេលកន្លងមក ក្រុមហ៊ុនអាកាសចរណ៍  Mahan Air  មានទីតាំងនៅទីក្រុងតេអ៊ីរ៉ង់​ មាន​ជើងហោះហើរ​ចំនួន​៦ជើង ក្នុងរយៈពេល​១សប្តាហ៍ ទៅកាន់ប្រទេសវេណេហ្ស៊ុយអេឡា​។ ជើងហោះហើរទាំងនោះ គឺដើម្បីដឹកជញ្ជូនសម្ភារ​ ជួសជុលរោងចក្រចម្រាញ់ប្រេងមួយកន្លែង នៅវេណេហ្សុយអេឡា។ ជាមួយគ្នានេះដែរ យន្តហោះMahan Air ក៏បានទៅកាន់​អាកាសយានដ្ឋាន​ Caracas ​ដឹកមាសជាការទូទាត់សងថ្លៃសម្ភារទិញពីអ៊ីរ៉ង់ ដើម្បីជួសជុល​រោងចក្រ។

សកម្មភាពខាងលើបានបង្ហាញយ៉ាងច្បាស់ថា វេណេហ្សុយអេឡា ប្រឈមនឹងកង្វះប្រាក់​ជាច្រើន ដោយសារតែវិបត្តិសេដ្ឋកិច្ច​ និងតម្លៃប្រែងធ្លាក់​ថ្លៃខ្លាំង រហូតបង្ខំឲ្យប្រទេសនេះ យកមាសដែលរក្សាទុកក្នុងឃ្លាំងទៅទូទាត់សងដល់អ៊ីរ៉ង់ ដើម្បីជាការខិតខំដំណើរការ​វិស័យឧស្សាហកម្មប្រេងឡើងវិញ។

យន្តហោះខាងលើ បានដឹកមាស៩តោនទៅឲ្យអ៊ីរ៉ង់​ គិតជាទឹកប្រាក់ប្រមាណ​៥០០លាន​ដុល្លារ​អាមេរិក។ នេះជាការទូទាត់ប្រាក់ដល់អ៊ីរ៉ង់​ ដែលបានជួយជួសជុលរោងចក្រចម្រាញ់ប្រេង​ នៅ​ក្នុងប្រទេសនេះ។ បច្ចុប្បន្ន​ វេណេហ្ស៊ុហអេឡា មានប្រាក់ដុល្លារប្រមាណតែ ៦,៣ពាន់លាន​ដុល្លារតែប៉ុណ្ណោះ ជាកម្រិតទាបបំផុត មិនធ្លាប់មានរយៈពេល​៣ទសវត្សរ៍កន្លងមកនេះ៕ ប្រែ​សម្រួលដោយ៖ MEO

from: https://tnaot.com/km/m/detail/article/9185122