លោក វ៉្លាឌីមៀរ ពូទីន ប្រធានាធិបតីរុស្ស៊ី កំពុងតែបង្ហាញនូវការលែងអត់ធ្មត់ ចំពោះ​សម្ពន្ធ​មិត្ដ​ស៊ីរី លោក បាសារ អាល់អាសាដ ( Bashar al-Assad) ដែលមិនបានដឹងគុណពីការជ្រោម​ជ្រែងអំណាច ក្រោមអន្តរាគមន៍ នៅក្នុងសង្គ្រាមបង្ហូរឈាម នៅប្រទេសស៊ីរី។

ដោយសារការខឹងសម្បាយ៉ាងខ្លាំង ​ការធ្លាក់ចុះតម្លៃប្រេង និងការរីករាលដាល នៃមេរោគវីរុស ហើយចង់បញ្ចប់ការផ្សងព្រេងយោធានៅស៊ីរីផងនោះ លោកពូទីន បានទទូចថា លោក​អាសាដ ប្រធានាធិបតីស៊ីរី គួរបង្ហាញពីការបត់បែនបន្ថែមទៀត នៅក្នុង​ការពិភាក្សាជាមួយ​ក្រុមប្រឆាំង ស៊ីរី លើដំណោះ​ស្រាយនយោបាយ ដើម្បីបញ្ចប់​ជម្លោះជិតមួយទសវត្សរ៍។

លោក អាសាដ នៅតែមិនព្រមចុះចេញពីតំណែង សម្រាប់ការដោះដូរយកការទទួលស្គាល់​ជាអន្ដរជាតិ និងជំនួយរាប់ពាន់លានដុល្លារ ដើម្បីកសាងប្រទេសឡើងវិញ។ សកម្មភាព​បែប​នេះ​​​ជំរុញឲ្យមានការប្រឆាំងជំទាស់នឹងប្រធានាធិបតីស៊ីរីផងដែរ។

លោក Alexander Shumilin អតីតអ្នកការទូតរុស្ស៊ី ដែលជាអ្នករៀបចំមជ្ឈមណ្ឌលអឺរ៉ុប-មជ្ឈិម​បូព៌ា ដែលផ្ដល់ហិរញ្ញវត្ថុដោយរដ្ឋ នៅទីក្រុងម៉ូស្គូ បានថ្លែងថា វិមានក្រឹមឡាំងឈឺក្បាល​ដោយ​សារតែរឿងរបស់ស៊ីរី។ បញ្ហានេះកើតឡើង ដោយសារតែមនុស្សម្នាក់ គឺលោក អាសាដ និងអ្នកគាំទ្ររបស់គាត់។

ការខឹងសម្បារបស់លោក ពូទីន និងភាពអសកម្មរបស់លោក អាសាដ បានបង្ហាញពីភាព​មិនច្បាស់​របស់រុស្ស៊ី ព្រោះភាគីទាំងពីរដឹងថា គ្មានជម្រើសអ្វី សម្រាប់មេដឹកនាំស៊ីរី ក្នុងការ​ឈានដល់​កិច្ចព្រមព្រៀងនោះទេ។ លោក ពូទីន បានប្រើអន្តរាគមន៍ដោយជោគជ័យ នៅឆ្នាំ​២០១៥ នៅក្នុងប្រទេសស៊ីរី ដើម្បីស្តារឥទ្ធិពល នៃអតីតសម័យសូវៀតរបស់រុស្ស៊ី ក្នុង​នាម​ជា​អ្នកដើរតួយ៉ាងសំខាន់ នៅមជ្ឈិមបូព៌ា។ លោក អាសាដ បានធ្វើសកម្មភាពយោធា  រវាងទីក្រុង​មូស្គូ និងអ្នកគាំទ្រយោធាដ៏សំខាន់ម្នាក់ទៀត គឺអ៊ីរ៉ង់ ដើម្បីរក្សាអំណាចរបស់គាត់។

ជាមួយគ្នានេះ លោក អាសាដ បានប្រើកម្លាំងយោធា និងការទូតរបស់រុស្ស៊ី ប្រឆាំង​នឹងកិច្ចខិត​ខំប្រឹងប្រែង​របស់​ប្រទេសតួកគី ដើម្បីពង្រីកវត្តមានរបស់ខ្លួន នៅក្នុងតំបន់​ដែលកាន់កាប់ ដោយ​ក្រុម​ឧទ្ទាម នៅភាគខាងជើង ក៏ដូចជា គាត់ស្វែងរកការគាំទ្រ ទូទាំងប្រទេសជាមួយនឹង​ការគាំទ្រ​​របស់​លោក ពូទីន។

ទោះជាយ៉ាងណា អ្នកនាំពាក្យវិមានក្រឹមឡាំង លោក Dmitry Peskov បានបដិសេដថា លោក ពូទីន មិនសប្បាយចិត្ដនឹងលោក អាសាដ ចំពោះការមិនសម្របសម្រួលជាមួយ​ភាគីប្រឆាំង នៅក្នុងការចរចាដោះស្រាយបញ្ហានយោបាយ នៅក្នុងប្រទេសស៊ីរី។

ប្រទេសរុស្ស៊ី បានដាក់សម្ពាធលើលោក អាសាដ ឲ្យពិនិត្យទិដ្ឋភាព រយៈពេលជាច្រើនឆ្នាំ ដោយ​មិនទទួលបានជោគជ័យ សម្រាប់ការសម្របសម្រួលនយោបាយមួយចំនួន ដើម្បីទទួល​បានការយល់ព្រមពីអង្គការសហប្រជាជាតិ ​រហូតឈានដល់ការបោះឆ្នោតឡើង ដែលរំពឹងទុក នៅឆ្នាំ២០២១។ រីឯលោក Yevgeny Prigozhin ជាមន្រ្ដីនៅវិមានក្រឹមឡាំង​ ក៏បានរិះគន់ដល់​លោក អាសាដ និងរបបរបស់លោកផងដែរ៕

from： https://tnaot.com/km/m/detail/article/9177640