Welcome

Labore et dolore magna aliqua. Ut enim ad minim veniam

Select Your Favourite
Category And Start Learning.

វិចិត្រករដ៏ល្បីនៅប្រទេសថៃលោកChavalit បានទទួលមរណភាពនៅជន្មាយុ៨០ឆ្នាំ

ជាងគំនូរដ៏ល្បី​និងជាវិចិត្រករជាតិលោក Chavalit Sermprungsuk បានទទួលមរណភាពដោយសារឆ្លងវីរុសកូរ៉ូណានៅ​ Netherland កាលពីថ្ងៃចន្ទ ក្នុងជន្មាយុ ៨០ឆ្នាំ។

លោក Chai Nakornchai អគ្គនាយកនៃនាយកដ្ឋានផ្សព្វផ្សាយវប្បធម៌បាននិយាយកាលពីថ្ងៃអង្គារថា វិចត្រករលោក Chavalit បានស្លាប់នៅមន្ទីរពេទ្យ OLVG ក្នុងទីក្រុង Amsterdam នៅម៉ោង ១១ និង ៣០ នាទីម៉ោងក្នុងស្រុក។ លោក Chavalit កើតនៅថ្ងៃទី៣០ ខែកក្កដា ឆ្នាំ១៩៣៩ នៅខេត្ត Khon Kaen ហើយលោកបានសិក្សានៅសកលវិទ្យាល័យ​ Silpakorn ក្នុងទីក្រុងបាងកកនិងជានិស្សិតចុងក្រោយដែលបង្រៀនដោយលោកគ្រូ Silpa ​« Ajarn Farang» Bhirasri ដែលជាបិតានៃសិល្បៈទំនើបនៅប្រទេសថៃ។ គាត់បានបន្តការសិក្សានៅ Rijksakademie van Beeldende Kunsten ក្នុងទីក្រុង Amsterdam និងក្រោយមកលោកបានចំណាយពេលវេលា ៦ទសវត្សរ៍ដើម្បីបែងចែកពេលវេលារបស់លោកដោយបម្រើការទាំងនៅថៃនិងនៅ Netherland ។ Chavalit គឺជា​វិចិត្រករឆ្នើមម្នាក់​ហើយស្នាដៃរបស់គាត់មានទាំងគំនូរជាក់ស្តែង ​គំនូរអរូបិយ និងគំនូរឌីជីថល។ នៅដើមឆ្នាំនេះការតាំងពិព័រណ៍នៃស្នាដៃរបស់គាត់គឺ «សិល្បៈមហោស្រព Chavalit 80+» ដែលមានការបោះពុម្ពទឹកថ្នាំឌីជីថលហើយកម្មវិធីនេះធ្វើឡើងនៅទីក្រុងបាងកកដើម្បីប្រារព្ធខួបកំណើតគម្រប់ ៨០ឆ្នាំរបស់គាត់។

រុបតំណាង

Chavalit ​មានជំងឺបេះដូងនិងជំងឺមហារីកកូនកណ្តុរមុនពេល​មានរោគសញ្ញានៃ​ជំងឺឆ្លងកូរ៉ូណានៅថ្ងៃទី១០ ខែមេសា។ ក្រោយមកគាត់ត្រូវបានគេធ្វើរោគវិនិច្ឆ័យថាមានផ្ទុកវីរុសកូរ៉ូណានិងបានចូលមន្ទីរពេទ្យ OLVG នៅថ្ងៃទី១៧ ខែមេសា។ ពិធីបុណ្យសពនឹងត្រូវប្រារព្ធធ្វើសម្រាប់លោក Chavalit នៅថ្ងៃសុក្រវេលាម៉ោង ១០:៣០ នាទីព្រឹកនៅឯមជ្ឈមណ្ឌលវប្បធម៌ថៃ។ ​លោក Chavalit មានភរិយាម្នាក់ដែលនៅរស់រានមានជីវិត​ឈ្មោះថា Phanee Metongkum ដែលជាអ្នកសិល្បៈផងដែរ។ 

កែសម្រួលដោយ៖ ភារ៉ា

ប្រភព៖ Bangkok Post

from: https://tnaot.com/km/m/detail/article/9177401