កាលពីវេលាម៉ោង ១៥និង៣៥នាទីរសៀល ថ្ងៃទី២៧ ខែមេសា ឆ្នាំ២០២០ នេះសមត្ថកិច្ចបានធ្វើការឃាត់ខ្លួនលោកយាយម្នាក់ ដែលជាមេក្លោងជួញដូរគ្រឿងញៀនដ៏ល្បី ស្ថិតនៅក្រុមទី៣០ ភូមិកំពង់ក្របី សង្កាត់ស្វាយប៉ោ ក្រុងបាត់ដំបង ខេត្តបាត់ដំបង។

ជនសង្ស័យខាងលើមានឈ្មោះ វិន តឿ ហៅ យាយតឿ ឬ យាយសក់ស ភេទស្រី អាយុ ៧៤ឆ្នាំ មានទីលំនៅក្នុងរ៉ាចង្រុក ភូមិកំពង់ក្របី សង្កាត់ស្វាយប៉ោ ក្រុងបាត់ដំបង ខេត្តបាត់ដំបង។

សមត្ថកិច្ចធ្វើការដកហូតបានវត្ថុតាងមួយចំនួនរួមមាន ថ្នាំញៀនម៉ាទឹកកក (ICE) ចំនួន ០៤ថង់ ទម្ងន់ ១៦.៥៨ក្រម ទាំងសំបក និងកូនថង់សម្រាប់រំលែកច្រកថ្នាំញៀនលក់មួយចំនួន។

បច្ចុប្បន្នវត្ថុតាង និងជនសង្ស័យបានបញ្ជូនទៅការិយាល័យគ្រឿងញៀននៃស្នងការដ្ឋាននគរបាលខេត្តបាត់ដំបង ដើម្បីចាត់ការតាមនីតិវិធីច្បាប់៕ ដោយ ៖ សុង យូ

from： https://tnaot.com/km/m/detail/article/9175729