Sign In 
ប្រធានាធិបតីអាមេរិក ដូណាល់ ត្រាំ បានលើកឡើងពីគម្រោងទាមទារជំនួយ ពីប្រទេសចិន ពាក់ព័ន្ធកូវីដ១៩។ ប៉ុន្តែលោកមិនបានបញ្ជាក់ថា ទាមទារប៉ុន្មាននោះឡើយ។
ក្នុងសន្និសីទកាសែត នៅសេតវិមាន កាលពីថ្ងៃទី២៧ ខែមេសា ប្រធានាធិបតី ដូណាល់ត្រាំ បានបញ្ជាក់ថា «យើងមិនពេញចិត្តនឹងចិន យើងមិនពេញចិត្តនឹងស្ថានភាពរួម ដោយសារតែយើង ជឿទៅលើចិនថា កូវីដ១៩ ត្រូវបានទប់ស្កាត់ នៅប្រទេសចិន មិនរីកសាយភាយ នៅលើពិភពលោក»។
លោក ត្រាំ បន្តទៀតថា «មានវិធីជាច្រើន ដែលយើងអាចបង្ខំឲ្យចិនត្រូវតែទទួលខុសត្រូវ។ យើងកំពុងតែបើកការស្រាវជ្រាវ ពាក់ព័ន្ធករណីខាងលើ»។ លោកត្រាំបន្តទៀតថា «អាល្លឺម៉ង់ ក៏បានចាប់អារម្មណ៍ទៅលើការសងសំណង ដោយសារខាតបង់សេដ្ឋកិច្ច អស់ទឹកប្រាក់ប្រមាណជាង១៥០ពាន់លានដុល្លារ។ ចំណែកអាមេរិកវិញ មិនទានកំណត់ថានឹងត្រូវទាមទារសំណងប៉ុន្មាននោះឡើយ។
អាមេរិក ជាប្រទេសដែលរងការខាតបង់ច្រើនជាងគេ ដោយសារកូវីដ១៩។ មកទល់ពេលនេះ អាមេរិកមានអ្នកឆ្លងជាង១លាននាក់ហើយ ក្នុងចំណោមអ្នកឆ្លងជាង៣លានាក់ នៅលើពិភពលោក។ ចំណែកអ្នកស្លាប់វិញ ក៏បានកើនឡើង ជាង៥៦ពាន់នាក់ផងដែរ៕ ប្រែសម្រួលដោយ៖ MEO
