Welcome

Labore et dolore magna aliqua. Ut enim ad minim veniam

Select Your Favourite
Category And Start Learning.

ម៉ម ប៊ុនហេង៖ អ្នកទោសខ្មែរនៅម៉ាឡេស៊ី អាចអនុញ្ញាតឱ្យត្រឡប់មកកម្ពុជាវិញ លុះបញ្ជាក់ថាគ្មានកូវីដ១៩

ភ្នំពេញ៖ អ្នកទោសចំនួន ៧៣នាក់ និងពលករខ្មែរចំនួន ១៤៩នាក់ អាចអនុញ្ញាតឱ្យវិលត្រឡប់មកកាន់ព្រះរាជាណាចក្រកម្ពុជាវិញ ប្រសិនបើភាគីម៉ាឡេស៊ីបញ្ជាក់ថា ពួកគាត់ទាំង ២២២នាក់គ្មានផ្ទុក ឬព្យាបាលជាសះស្បើយជំងឺកូវីដ១៩។ នេះបើយោងតាមសម្ដីលោក ម៉ម ប៊ុនហេង រដ្ឋមន្ត្រីក្រសួងសុខាភិបាល។

ថ្លែងក្នុងសិន្និសទីសារព័ត៌មាន ស្តីពីបច្ចុប្បន្នភាពជំងឺកូវីដ១៩ នៅក្នុងប្រទេសកម្ពុជា នាព្រឹកថ្ងៃទី២៧ ខែមេសា ឆ្នាំ២០២០នេះ រដ្ឋមន្ត្រីក្រសួងសុខាភិបាលលោក ម៉ម ប៊ុនហេង បានបញ្ជាក់ថា ចំពោះអ្នកទោសចំនួន ៧៣នាក់ និងពលករខ្មែរចំនួន ១៤៩នាក់ នៅម៉ាឡេស៊ី បានស្នើរទៅកាន់​សម្តេចតេជោ ហ៊ុន សែន នាយក​រដ្ឋមន្ត្រី រួចហើយ ប៉ុន្តែមុននឹងអនុញ្ញាតឱ្យត្រឡប់មកកម្ពុជាវិញ ត្រូវឱ្យម៉ាឡេស៊ីបញ្ជាក់ជាមុនសិនថា ពួកគាត់គ្មានផ្ទុក ឬត្រូវព្យាបាលឱ្យជាសះស្បើយមុនសិន។

លោក ម៉ម ប៊ុនហេង បានលើកឡើងថា​៖ “​លក្ខណៈ​សំខាន់បំផុត​គឺថា សុំ​ខាង​ភាគី​ម៉ាឡេស៊ី ធ្វើតេស្ត​កូ​វីដ​១៩ លើ​អ្នក​ទាំងនោះ​។ បើ​មិនមាន​មេរោគ​កូ​វីដ​១៩​ទេ នឹង​អាច​ឲ្យ​គាត់​ត្រឡប់មកវិញ បើ​អ្នកមាន​មេរោគ​កូ​វីដ ត្រូវ​សម្រាក​ព្យាបាល​ឲ្យ​ជា ដូច​យើង​ព្យាបាល​ប្រជាជន​ម៉ាឡេស៊ី​នៅក្នុង​ប្រទេស​របស់​យើង​ដែរ​”។

​ជាមួយគ្នានេះ លោករដ្ឋមន្ត្រីក្រសួងសុខាភិបាល ក៏បានបញ្ជាក់បន្ថែមទៀតថា នៅពេល​មក​កម្ពុជា​វិញ អ្នកទោស ​និង​អ្នកនេសាទ​ខ្មែរ​ទាំងនោះ នឹងត្រូវ​ធ្វើ​ច​ត្តា​ឡី​ស័ក​រយៈពេល​ ១៤​ថ្ងៃ ដើម្បី​តាមដាន​ និង​ពិនិត្យ​សុខភាពជាមុនសិន រួមទាំង​ធ្វើ​ច​ត្តា​ឡី​ស័ក​ ១៤​ថ្ងៃ​បន្ថែមទៀត​នៅតាម​ផ្ទះ​រៀងៗខ្លួន ប្រសិនបើគ្មានកូវីដ១៩ ទើបពួកគាត់អាចធ្វើដំណើរគ្រប់ទីកន្លែងបានជាធម្មតា៕ ដោយ៖ តារា

from: https://tnaot.com/km/m/detail/article/9170933