ខ្សែប្រយុទ្ធសញ្ជាតិបារាំង Olivier Giroud របស់ក្លិបតោខៀវ Chelsea ត្រូវបានរាយការណ៍ថា នឹងមិនចាកចេញទៅណានោះទេ នៅក្នុងអំឡុងពេលទីផ្សារដោះដូរកីឡាកររដូវក្តៅបើកទ្វារខាងមុខ។

Giroud ត្រូវបានផ្សាភ្ជាប់នឹងការផ្លាស់ប្តូរទៅចូលរួមជាមួយ ក្លិប Inter-Milan នៅរដូវកាលក្រោយ ស្របពេលដែលកុងត្រារបស់ខ្សែប្រយុទ្ធក្រុមជម្រើសជាតិបារាំងរូបនេះត្រូវអស់សុពលភាពជាមួយ Chelsea នៅបំណាច់ឆ្នាំនេះ។

យ៉ាងណាមិញបើយោងតាមគេហទំព័រ BBC បានឱ្យដឹងថា គ្រូបង្វឹកក្លិប Chelsea លោក Frank Lampard ដែលមានសញ្ជាតិអង់គ្លេស កំពុងតែត្រៀមផ្តល់កុងត្រារយៈពេលមួយឆ្នាំទៀត ទៅឱ្យ Giroud បន្ទាប់ពីពួកគេគ្មានសង្ឃឹមក្នុងការនាំយកខ្សែប្រយុទ្ធមុតស្រួច Lautaro Martinez ពីក្លិប Inter ស្របពេលដែលក្លិប Barcelona កំពុងតែនាំមុខគេក្នុងការប្រជែងយកកីឡាករជម្រើជាតិអាហ្សង់ទីនរូបនេះក្នុងតម្លៃខ្លួនផ្ទេរកប់ពពក៕

កែសម្រួលដោយ៖ ភារ៉ា

ប្រភព៖ BBC

from： https://tnaot.com/km/m/detail/article/9170834