សារគេហទំព័រ Worldometers.info បានផ្សាយថា  មកដល់ថ្ងៃទី ២៧ ខែមេសានេះ អាមេរិក មានអ្នកឆ្លងសរុបកើនឡើងដល់ទៅជាង ៩៨៧ពាន់នាក់ និងស្លាប់​កើនឡើងជាង​៥៥ពាន់នាក់ ហើយ។ ចំណែកពលរដ្ឋ​ដែលបានធ្វើតេស្ត រកកូវីដ​១៩ នៅទូទាំងអាមេរិក មានតែជាង៥លាន ៤សែននាក់ប៉ុណ្ណោះ ។ រដ្ឋាភិបាលអាមេរិក នឹងខិតខំធ្វើតេស្តទៅលើពលរដ្ឋឲ្យបានច្រើន ទើបអាចទប់ស្កាត់ការឆ្លងរាលដាលបានយ៉ាងល្អ។

បើទោះជាមានចំនួនអ្នកឆ្លងកើនឡើងក្ដី ប៉ុន្តែពលរដ្ឋអាមេរិក នៅក្នុងរដ្ឋមួយចំនួន ​ក្នុងនោះ​មានកាលីហ្វ័រញ៉ា ឈានចូលរដូវក្តៅ​ ពលរដ្ឋ​បាននាំគ្នា​ទៅឆ្នេរសមុទ្រ មិនខ្វល់​ពីការឆ្លង​កូវីដ​១៩​​នោះឡើយ។ ក្រៅពីនេះ ក៏មានរដ្ឋជាច្រើនទៀត បាន អនុញ្ញាតឲ្យដំណើរការសេដ្ឋកិច្ច ក្នុងនោះមានរដ្ឋ ​​Georgia និង Oklahoma ជាដើម។

លោក  Andrew Coumo អភិបាលរដ្ឋញូវយ៉ក ​បានព្រមានថា​ ការបើកទ្វារ ដំណើរការសេដ្ឋកិច្ ចនាពេលនេះពិតជារឿងដ៏គ្រោះថ្នាក់ អាចនឹងធ្វើឲ្យចំនួនអ្នកឆ្លង និងស្លាប់បន្តកើនឡើង។ ចំណែក​ការដាក់ប្រទេសក្នុងគ្រាអាសន្ន ក៏ត្រូវតែអូសបន្លាយផងដែរ​។

តាមគេហទំព័រ Worldometers.info បច្ចុប្បន្ននៅលើពិភពលោក មានចំនួនអ្នកឆ្លងកូវីដ១៩ កើន​ឡើងដល់ជាង​ល២,៩៩លាននាក់ហើយ និងមានអ្នកស្លាប់កើនឡើង ២០៦ពាន់នាក់។ ចំណែក​អ្នកជាសះស្បើយវិញមាន៨៧៨ពាន់នាក់៕ ប្រែសម្រួលដោយ៖MEO

from： https://tnaot.com/km/m/detail/article/9170397