![](https://kh.tnaot.com/wp-content/uploads/2020/08/eedd2930d89c11eaba5b5185d252a44c.jpg)
បុរសជនជាតិម៉ាឡេស៊ីម្នាក់មានបំណងលោតពីលើអគារសណ្ឋាគារមួយកន្លែង កាលពីព្រលប់ថ្ងៃទី២៥ ខែមេសា ឆ្នាំ២០២០ ស្ថិតនៅចំណុចសណ្ឋាគារអារីស្តូក្រាត ផ្លូវ៥០២ ចូលផែទូកទេសចរណ៍ ក្នុងសង្កាត់លេខ៤ ក្រុងព្រះសីហនុ ខេត្តព្រះសីហនុ។
ប្រភពព័ត៌មានពីសមត្ថកិច្ចបានឱ្យដឹងថា បុរសជនជាតិម៉ាឡេស៊ីខាងលើហាក់មានស្មារតីមិនប្រក្រតី ដែលសមត្ថកិច្ចបានព្យាយាមសម្របសម្រួលដោយនាំបុរសរូបនោះឱ្យចុះមកវិញបានដោយសុវត្ថិភាព។
បច្ចុប្បន្នសមត្ថកិច្ចបាននឹងកំពុងទាក់ទងទៅសាច់ញាតិដើម្បីមកទទួលបុរសខាងលើដែលមានស្មារតីហាក់មិនប្រក្រតីទៅលំនៅដ្ឋានវិញ៕ ដោយ ៖ សុង យូ