Welcome

Labore et dolore magna aliqua. Ut enim ad minim veniam

Select Your Favourite
Category And Start Learning.

នីតិវិធីថ្មីសម្រាប់ប្រតិបត្តិការក្រុមហ៊ុនអាកាសចរណ៍ក្នុងអំឡុងពេលមានវីរុសកូវីដ១៩

អាជ្ញាធរអាកាសចរណ៍ស៊ីវិលថៃ (CAAT) ថ្មីៗនេះបានបើកការប្រជុំជាមួយប្រតិបត្តិករអាកាសចរណ៍ចំនួន ២០រូប ដើម្បីពិភាក្សាអំពីនីតិវិធីនិងកាតព្វកិច្ចដែលត្រូវធ្វើនៅពេលពួកគេចាប់ផ្តើមសេវាកម្មរបស់ពួកគេនៅថ្ងៃទី១ ខែឧសភា។

គោលការណ៍ណែនាំមានដូចជា៖

១.ក្រុមហ៊ុនអាកាសចរណ៍ត្រូវតែកំណត់ចំនួនកៅអីនៅជួរនីមួយៗដោយអនុលោមទៅតាមគោលការណ៍រក្សាគម្លាត។

២.អ្នកដំណើរទាំងអស់ត្រូវតែត្រួតពិនិត្យសីតុណ្ហភាពរាងកាយរបស់ពួកគេ (មិនខ្ពស់ជាង ៣៧.៣ អង្សា) មុនពេលឡើងជិះ។

៣.អ្នកដំណើរត្រូវតែឈរនៅចម្ងាយយ៉ាងតិច ១ម៉ែត្រពីគ្នាអំឡុងពេលកំពុងត្រួតពិនិត្យវ៉ាលីនៅពេលចូលតំបន់ច្រកទ្វារនិងពេលឡើងយន្តហោះ។

៤.កំណត់ចំនួនអ្នកដំណើរនៅក្នុងឡានក្រុងដឹកអ្នកដំណើរទៅនិងមកពីអាកាសយានដ្ឋាន។

៥.អ្នកដំណើរទាំងអស់ត្រូវពាក់ម៉ាស់គ្រប់ពេលវេលានៅលើយន្តហោះ។

៦.អាហារនិងភេសជ្ជៈ​មិនត្រូវបានបម្រើនៅលើយន្តហោះនោះទេ។ អ្នកដំណើរត្រូវតែទៅផ្នែកខាងក្រោយយន្ដហោះប្រសិនបើពួកគេត្រូវការទឹកដើម្បីលេប

ថ្នាំ។

៧.នៅលើជើងហោះហើរដែលមានរយៈពេលជាង ៩០នាទី កៅអីពីរជួរចុងក្រោយត្រូវទុកសម្រាប់អ្នកដំណើរដែលឈឺ។

៨.តម្លៃសំបុត្រអាចខ្ពស់ជាងធម្មតាដោយសារចំនួនកៅអីមានចំនួនតិចសម្រាប់លក់ ជាពិសេសនៅតាមក្រុមហ៊ុនអាកាសចរណ៍ដែលមានតម្លៃទាប។

៩.ផ្លូវហោះហើរអាចខុសគ្នាអាស្រ័យលើក្រុមហ៊ុនអាកាសចរណ៍និងទិសដៅចុងក្រោយ​ដោយសារព្រលានយន្តហោះជាច្រើនដូចជាអាកាសយានដ្ឋានអន្តរជាតិភូកេតនៅតែត្រូវបិទដោយសារតែការបិទច្រកតំបន់។

កែសម្រួលដោយ៖ ភារ៉ា

ប្រភព៖ Thai PBS WORLD

from: https://tnaot.com/km/m/detail/article/9168236