បើគិតមកដល់ព្រឹកថ្ងៃ​ទី​២៥ ខែមេសា​ អាមេរិក មានអ្នកស្លាប់ ជាង​៥១ពាន់នាក់ ស្មើនឹង​១ភាគ​៤ នៃ​ចំនួនអ្នកស្លាប់ នៅលើពិភពលោក។ ចំណែកអ្នកឆ្លងវិញ បានកើនឡើងដល់ជាង ៩សែន​នាក់ហើយ។ រហូតមកទល់នឹងពេលនេះ អាមេរិកបានធ្វើតេស្តទៅលើពលរដ្ឋ​ជិត​៥លាននាក់។បើតតាមការព្យាករណ៍ អាមេរិក​អាចនឹងមានអ្នកឆ្លងកើនឡើង១លានាក់ នៅចុងសប្តាហ៍។

តាមគេហទំព័រ Worldometers ​បានបញ្ជាក់ថា គិតត្រឹមវេលាម៉ោង៧ព្រឹក ថ្ងៃទី​២៥ ខែមេសា នៅលើពិភពលោក មានអ្នកឆ្លងសរុបដល់ទៅ ​២ ​៨២៦ ៨៤៧នាក់ និងមានអ្នកស្លាប់កើនឡើង ដល់​១៩៦ ៩៨១នាក់។

អាមេរិកនឹងបង្កើនការធ្វើតេស្ត​ឲ្យបានច្រើនបន្ថែមទៀត ដើម្បីទប់ស្កាត់ការឆ្លងរាលដាលឲ្យ​មាន​ប្រសិទ្ធភាព។ កាលពីថ្ងៃទី​២៤ ខែមីនា លោក ត្រាំ បានចុះហត្ថលេខាចំណាយប្រាក់បន្ថែម​៤៨៤ ពាន់លានដុល្លារ ដើម្បីជួយដល់មន្ទីរពេទ្យ ពង្រីកការធ្វើតេស្ត និងអនុញ្ញាតឲ្យបណ្តា​ក្រុមហ៊ុនតុចៗដំណើរការឡើងវិញ។

ចាប់តាំងពីផ្ទុះកូវីដ១៩ រហូតមកទល់នឹងពេលនេះ រដ្ឋាភិបាល និងសភាអាមេរិក បាន​អនុម័តចំណាយប្រាក់ជាង ២.៥០០ ពាន់លានដុល្លារ ដើម្បីជួយដល់ពលរដ្ឋ និង ក្រុមហ៊ុន ដើម្បីឆ្លងឲ្យផុតដំណាក់កាលដ៏អាក្រក់បំផុត ​បង្កឡើងដោយកូវីដ១៩៕ ប្រែសម្រួលដោយ៖ MEO

from： https://tnaot.com/km/m/detail/article/9164115