ភ្នំពេញ៖ រដ្ឋមន្ត្រីក្រសួងអប់រំយុវជន និងកីឡា លោក ហង់ជួន ណារ៉ុន បានឲ្យដឹងថា ក្រសួងអប់រំនៅតែបន្តផលិតវីដេអូ សម្រាប់ការបង្រៀនពីចម្ងាយ និងតាមប្រព័ន្ធអេឡិចត្រូនិក (E-Learning) សម្រាប់សិស្សរៀននៅតាមផ្ទះ ចាប់ពីមត្តេយ្យសិក្សា រហូតដល់មធ្យមសិក្សាទុតិយភូមិ និងពង្រីកការផ្សព្វផ្សាយឲ្យបានកាន់តែទូលំទូលាយជាងមុន។

លោក រដ្ឋមន្ត្រីក្រសួងអប់រំបានឲ្យដឹងបែបនេះតាមរយៈ សេចក្តីណែនាំស្តីពី ការសិក្សាពីចម្ងាយ និងការសិក្សាតាមប្រព័ន្ធអេឡិចត្រូនិកសិស្សានុសិស្ស​កម្រិតមត្តេយ្យ ដល់មធ្យមសិក្សា នៅថ្ងៃទី២៤ ខែមេសា ឆ្នាំ២០២០នេះ។

អាសយដ្ឋាន គេហទំព័រ ទំព័រហ្វេសប៊ុក និងទូរទស្សន៍ សម្រាប់បម្រើឲ្យការបង្រៀនពីចម្ងាយ តាមប្រព័ន្ធអេឡិចត្រូនិក មានដូចជាខាងក្រោម៖

–     ទូរទស្សន៍ជាតិកម្ពុជាទី២ ទទក២ ឬ TVK2 ដែលជាប៉ុស្តិ៍ទូរទស្សន៍ទើបបង្កើតថ្មី សម្រាប់បម្រើដល់ការផ្សព្វផ្សាយស្តីពីការអប់រំ

–     ទូរទស្សន៍ផ្កាយរណតេជោឌីធីវី ប៉ុស្តិ៍លេខ២២

–     ទូរទស្សន៍ខ្សែកាបទូរទាំង២៥ រាជធានីខេត្ត ដែលមានប៉ុស្តិ៍ថ្មី ផ្សាយបន្តពីទូរទស្សន៍ជាតិកម្ពុជាទី២ (ទទក២)

–     ទូរទស្សន៍អប្សរា

–     ទូរទស្សន៍ wiki TV

–     ទូរទស្សន៍ one TV

–     បណ្តាញ YouTube ផ្លូវការរបស់ក្រសួង គឺ www.youtube.com/moeys

–     ទំព័រហ្វេសប៊ុកផ្លូវការរបស់ក្រសួង គឺ www.facebook.com/moeys.gov.kh

–     ទំព័រហ្វេសប៊ុកផ្លូវការរបស់ ការអប់រំកុមាតូចគឺ ECCD Cambodia  

–     ទំព័រហ្វេសប៊ុកគ្រូ ផ្លូវការរបស់ក្រសួង គឺ www.krou.moeys.gov.kh

–     ទំព័រហ្វេសប៊ុកកុមាររៀន កុមារចេះ www.facebook.com/123komar

–     App របស់ក្រសួងព័ត៌មាន និង App របស់ E-School Cambodia តាមផ្នែក EG1 សម្រាប់ថ្នាក់ទី១  EG2 សម្រាប់ថ្នាក់ទី២ រហូតដល់ EG១២ សម្រាប់ថ្នាក់ទី១២។

ជាមួយគ្នានោះ ក្រសួងក៏បានណែនាំដល់មន្ទីរអប់រំខេត្ត ការិយាល័យអប់រំ នៃរដ្ឋបាលក្រុង ស្រុក ខណ្ឌ គ្រប់គ្រឹះស្ថានសិក្សា ទាំងសាធារណៈ និងឯកជន មាតាបិតា អ្នកអាណា ព្យាបាលសិស្ស សិស្សានុសិស្ស ព្រមទាំងគណៈកម្មការគ្រប់គ្រងសាលារៀន គ ណៈកម្មការទ្រទ្រង់សាលារៀន ឲ្យចូលរួមអនុវត្តទាំងអស់គ្នាផងដែរ៕ ដោយ ប៊ុនធឿន  

from： https://tnaot.com/km/m/detail/article/9161320