ពលរដ្ឋអាមេរិក​ទូទាំងប្រទេស ​បន្តស្ថិត​ក្នុងការប្រុងប្រយ័ត្ន​​ ក្រោយ​ពី​ខ្យល់ព្យុះ ​កាលពីសប្តាហ៍​មុន​វាយប្រហារ សម្លាប់​មនុស្សយ៉ាងតិច​៣២នាក់ ស្ថិតក្នុងរដ្ឋ New England ។ ជាមួយពលរដ្ឋប្រហែល​១៥លាននាក់​ នៅតាមតំបន់ East Coast រដ្ឋ Delaware, Maryland, New Jersey និងរដ្ឋ Pennsylvania ត្រូវបានដាក់ឲ្យស្ថិតនៅក្រោមការប្រយ័ត្ន​ពី​ខ្យល់​ព្យុះ​កំបុតត្បូង ។

ខ្យល់ព្យុះកំបុតត្បូង​មានកម្លាំងខ្លាំង​មួយ​ បានបក់បោក វាយប្រហារ​តំបន់ Marshall County ភាគខាងត្បូងរដ្ឋ Oklahoma ខណៈខ្យល់ព្យុះដទៃទៀត វាយប្រហារ​នៅ​ទីក្រុង Onalaska ភាគអាគ្នេយ៍​ រដ្ឋ Texas កាលពីថ្ងៃទី២២ ខែមេសា ឆ្នាំ២០២០ ដោយសម្លាប់មនុស្ស​យ៉ាងតិច​៥នាក់ ។ នេះបើតាមការ​បញ្ជាក់​របស់ប្រធានភ្នាក់ងារ​គ្រប់គ្រងគ្រោះមហន្តរាយ​ប្រចាំនៅតំបន់ Marshall County លោក Robert Chaney ។ លោកបានបញ្ជាក់ថា សាកសពជនរងគ្រោះ​ត្រូវបានរកឃើញ​ នៅ​ខាងក្រៅរោងចក្រ ប្រហែល​៩គីឡូម៉ែត្រ ភាគនិរតី​ ទីក្រុង Madill រដ្ឋ អូក្លាហូម៉ា ។ 

នៅតំបន់ Polk County ឯណោះវិញ ការិយាល័យគ្រប់គ្រង់គ្រោះមហន្តរាយ​ បានបញ្ជាក់ថា មនុស្ស​៣នាក់​បានស្លាប់ និង​យ៉ាងតិច​២០នាក់ផ្សេងទៀត​រងរបួស នៅក្នុងរដ្ឋ​ អូក្លាហូម៉ានេះ ដោយសារតែ​គ្រោះមហន្តរាយធម្មជាតិ។ 

ខ្យល់ព្យុះកម្លាំងខ្លាំងនោះ នៅបានបំផ្លិចបំផ្លាញ​លំនៅឋាន​ជាច្រើនខ្នង​ នៅក្នុងតំបន់ ។ មាន​សេចក្តីរាយការណ៍ផងដែរថា គ្រោះធម្មជាតិនេះ​បណ្តាលឲ្យធ្លាក់ព្រឹល​​ គ្រាប់ប៉ុនកូនបាល់​ផង​ដែរ ៕ ប្រែសម្រួលដោយ៖ thach yat 

from： https://tnaot.com/km/m/detail/article/9158257