នាយករដ្ឋមន្រ្ដីវៀតណាម និងសមភាគីរុស្ស៊ី កាលពីថ្ងៃទី២១ ខែមេសា បានពិភាក្សាគ្នា តាមទូរស័ព្ទ ស្ដីពីកិច្ចសហ​ប្រតិបត្ដិការ ប្រយុទ្ធប្រឆាំងនឹងវីរុសរលាកផ្លូវដង្ហើមប្រភេទថ្មី ឬវីរុសកូរ៉ូណា (COVID-19)។

យោងតាមសារព័ត៌មានវៀតណាម បានឲ្យដឹងថា លោក  ង្វៀនស្វឺនភុក (Nguyen Xuan Phuc) នាយករដ្ឋមន្រ្ដីវៀតណាម និងសមភាគីរុស្ស៊ី លោក មីខែល មីហ្សុស្ទិន ( Mikhail Mishustin) បានពិភាក្សាគ្នា ផ្ដោតទៅ​លើកិច្ច​សហ​ប្រតិបត្ដិការ​​ប្រយុទ្ធប្រឆាំងនឹងកូវីដ១៩។

នៅក្នុងកិច្ចពិភាក្សានោះ លោកនាយករដ្ឋមន្រ្ដីវៀត​ណាម បានអះអាងថា វៀតណាគាំទ្រជានិច្ច ហើយឈរនៅជាមួយនឹងរុស្ស៊ី ក្នុងការ​ប្រយុទ្ធ​ប្រឆាំង​​នឹងវីរុសរាតត្បាតនេះ។

ជាការឆ្លើយតបវិញនោះ នាយករដ្ឋមន្រ្ដីរុស្ស៊ី បានវាយតម្លៃខ្ពស់ ចំពោះអ្វីដែលប្រជា​ជាតិអាស៊ានសម្រេចបាន ក្នុងការគ្រប់គ្រងជំងឺនេះ។ ជាមួយគ្នានេះដែរ រុស្ស៊ីក៏បានអរគុណ​ដល់​រដ្ឋាភិបាលវៀតណាម ដែលបានផ្ដល់ម៉ាស់ក្រណាត់ប្រឆាំងនឹងប៉ាតេរី ចំនួន១៥០ពាន់​ដល់​ប្រទេស​របស់លោកផងដែរ។

ក្រៅពីនេះ មេដឹកនាំទាំងពី បានព្រមព្រៀងគ្នាការ អំពីរឹត​ចំណងទំនាក់ទំនងដែលមាន​ជាយូរមក​ហើយឲ្យនៅតែរឹងមាំបន្ដទៀត។ មេដឹកនាំទាំងពី​ក៏បានចរចាគ្នា​អំពីទំនាក់ទំនង​ពាណិជ្ជកម្ម ក្នុងនោះមានថាមពល ប្រេង ឧស្ម័ន និងឧស្សាហកម្មរថយន្ដថែមទៀតផង។

សូមជម្រាបថា បើគិតមកដល់ថ្ងៃទី២២ ខែមេសា នៅក្នុងប្រទេសរុស្ស៊ី មានករណី​ឆ្លងកូវីដ១៩ ចំនួន ៥២ ៧៦៣នាក់ ក្នុងនោះស្លាប់៤៥៦នាក់ និងជាសះស្បើយ៣៨៧៣។ រីឯប្រទេស​វៀតណាម មានអ្នកឆ្លង២៦៨នាក់ ក្នុងនោះជាសះស្បើយ២១៦នាក់៕ ប្រែ​សម្រួលដោយ Nuon

from： https://tnaot.com/km/m/detail/article/9154101