រថយន្តដឹកកំហាកធ្វើតេស្តរកកូវីដ១៩របស់អង្គការសុខភាពពិភពលោក​ (WHO) នៅក្នុង​ប្រទេស​មីយ៉ាន់ម៉ា បានរងការវាយប្រហារ បណ្តាលឲ្យអ្នកបើកបរស្លាប់ និងមន្ត្រីរដ្ឋាភិបាល​ម្នាក់​រងរបួស​ធ្ងន់។

អង្គការសុខភាពពិភពលោក​ WHO បានប្រកាសថា ការវាយប្រហារនេះបាន​កើតឡើង នៅក្នុងស្រុក Mynbya រដ្ឋ​រ៉ាឃីន ស្ថិតនៅភាគខាងជើង នៃប្រទេសមីយ៉ាន់ម៉ា។ អ្នកបើក​រថយន្តឈ្មោះSone Win Maung បានស្លាប់ដោយសាររងរបួសធ្ងន់។

សារព័ត៌មាន ​CNN បានដកស្រង់សេចក្តីប្រកាសរបស់ WHO ​កាលពីថ្ងៃទី២១ ខែមេសាថា «អង្គការសុខភាពពិភពលោក ពិតជាសោកស្តាយ ចំពោះសកម្មភាពវាយប្រហារខាងលើ បណ្តាលឲ្យបុគ្គលិរបស់ WHO ម្នាក់ស្លាប់ពេលកំពុងបំពេញការងារ។

លោកស្រី​ Poonam Khetrapal Singh អគ្គនាយក ​WHO ប្រចាំនៅតំបន់អាស៊ីអាគ្នេយ៍ បាន​ថ្កោលទោសយ៉ាងខ្លាំងដល់សកម្មភាពវាយប្រហារ សម្លាប់បុគ្គលិករបស់ខ្លួន ខណ:កំពុង​បំពេញ​ភារកិច្ច។

អគ្គលេខាធិការអង្គការសហប្រជាជាតិ លោក Antonio Guterres ក៏បានថ្កោលទោសដល់​សកម្មភាព​​វាយប្រហារទៅលើរថយន្តរបស់អង្គការសុខភាពពិភពលោក ដែល ខិតខំ​ជួយ​ដល់ពលរដ្ឋមីយ៉ាន់ម៉ា ទប់ស្កាត់ការឆ្លងរាលដាល នៃកូវីដ១៩។ នៅក្នុងរដ្ឋ រ៉ាឃីន មិនមាន​ឧបករណ៍ធ្វើតេស្តឡើយ ដូច្នេះគឺត្រូវដឹកជញ្ជូនវត្ថុត្រូវធ្វើតេស្ត មានកំហាក ជាដើម មកកាន់ទីក្រុង Yangon ដើម្បីធ្វើតេស្ត៕ ប្រែសម្រួលដោយ៖ MEO

from： https://tnaot.com/km/m/detail/article/9152788