Sign In 
ក្រុមគ្រូពេទ្យ និង គិលានុបដ្ឋាយិកា នៅរដ្ឋ Colorado បាននាំគ្នាដង្ហែក្បួន ប្រឆាំងនឹងក្រុមបាតុករទាមទារ លុបច្បាប់បម្រាមគោចរ។ ក្រុមគ្រូពេទ្យពិតជាបានហត់នឿយខ្លាំងណាស់ ដោយសារតែមានចំនួនអ្នកឆ្លង កើនឡើងខ្ពស់។
សារព័ត៌ NBC បានផ្សាយថា ក្រុមគ្រូពេទ្យ បានធ្វើការទាំងថ្ងៃទាំងយប់ ដោយសារតែមានអ្នកជំងឺច្រើន ប៉ុន្តែពលរដ្ឋបែរជាចង់បានសេរីភាពធ្វើដំណើរ ហើយវាអាចនឹងមានអ្នកឆ្លងច្រើនទៀត។ នៅក្នុងរដ្ឋ Colorado មានអ្នកស្លាប់ដោយកូវីដ១៩ កើនដល់ទៅ៤០០នាក់ ។
នាង Alexis ជាគ្រូពេទ្យម្នាក់ នៅក្នុងតំបន់ Denver បាននិយាយថា «ខ្ញុំក៏មិនចង់ឃុំខ្លួន នៅក្នុងផ្ទះដែរ ប៉ុន្តែនៅពេលនេះ ជារឿងដែលត្រូវរួមគ្នា ទប់ស្កាត់ជំងឺឆ្លង»។
សកម្មភាពខាងលើបានកើតឡើង ក្រោយពេលក្រុមបាតុករទាមទារលុបច្បាប់បម្រាមគោចរផ្តល់សិទ្ធិសេរីភាពក្នុងការធ្វើដំណើរ និងការទៅធ្វើការដូចដើមវិញ។ ការធ្វើបាតុកម្មនេះបានកើតឡើង ក្រោយពេលប្រធានាធិបតីអាមេរិក ដូណាល់ ត្រាំ បានបង្ហោះនៅលើបណ្តាញសង្គម Twitter អំពាវនាវដល់ពលរដ្ឋរំដោះ បណ្តារដ្ឋរបស់ខ្លួនរួចផុតពីច្បាប់គម្លាតសង្គម៕ ប្រែសម្រួលដោយ៖ MEO
