នាយកអនុវិទ្យាល័យម្នាក់ បានបើករថយន្ដលឿនពេក បណ្ដាលឲ្យរេចង្កូតខុសផ្លូវ ក្រឡាប់ ស្លាប់ឯង កាលពីយប់ ថ្ងៃទី២០ ខែមេសា នៅតាមផ្លូវមួយខែ្ស ស្ថិតក្នុងស្រុក Muang ខេត្ត  Don Thani ។

ប៉ូលិសថៃ បានឲ្យដឹងថា ជនរងគ្រោះ Banjong Moontrikaew អាយុ៥៩ឆ្នាំ មានតួនាទី ជា​នាយកអនុវិទ្យាល័យ Udon Pittayanukul ។ ជនរងគ្រោះបានស្លាប់ដោយសារគ្រោះ​ថ្នាក់​ចរាចរណ៍។

លោកស្រីវរសេនីយ៍ Ratthanon Kachanon មន្រ្ដីប៉ូលិសស៊ើបអង្កេត បានឲ្យដឹងថា ករណីនេះ​បានកើតឡើង នៅត្រង់ចំណុចផ្លូវកោង។ ជនរងគ្រោះបានបើករថយន្ដ ម៉ាក Mitsubishi Pajero ចាកចេញពីសាលារៀន ក្នុងគោលបំណងត្រឡប់កាន់លំនៅឋានរបស់គាត់វិញ ហើយ​ក៏ជួបនឹង​គ្រោះ​ថ្នាក់​បែបនេះតែម្ដង។ បើតាមការពិនិត្យ ជនរងគ្រោះ អាចបើកបរ ក្នុងល្បឿន​លឿន។ នៅក្នុងហេតុការណ៍នេះ ធ្វើឲ្យជនរងគ្រោះរងរបួសបាក់ក។

លោកនាយករងសាលាខាងលើ បានបញ្ជាក់ថា បើតាមធម្មតា លោកនាយក​ធ្វើដំណើរ​ពីផ្ទះ​មកសាលា និងពីសាលាទៅផ្ទះ តាមរថយន្ដឈ្នួល។ ប៉ុន្ដែនៅពេល​ថ្ងៃឈប់​សម្រាក ទើប​លោក​នាយក​បើករថយន្ដខ្លួនឯង ហើយក៏ជួបនឹងហេតុ​ការណ៍បែបនេះតែម្ដងទៅ៕ ប្រែសម្រួលដោយ Nuon

from： https://tnaot.com/km/m/detail/article/9151694