នៅទូទាំងប្រទេស​បារាំង តួលេខ​អ្នកជំងឺ Covid-19 ក្នុងរយៈពេល​២៤ម៉ោង បានបាត់បង់ជីវិត​៥៤៧នាក់។ ប៉ុន្តែ​អ្នកជំងឺថ្មី​ចូល​មន្ទីរពេទ្យ​បន្តធ្លាក់ចុះ ។ 

នៅប្រទេសបារាំង គិតមកត្រឹម ថ្ងៃទី២០ ខែមេសា ឆ្នាំ២០២០ បានក្លាយជាប្រទេសទីបួន​នៅលើពិភពលោក ដែលមានអ្នកជំងឺ Covid-19 បាត់បង់ជីវិត​កើនជាង ២០ ០០០ នាក់ ។ បារាំង​ បាននិង​កំពុង​ស្ថិតក្នុងវិធានការចាក់សោ ឬបិទប្រទេស ​​ក្នុងសប្តាហ៍​ទី​៥ ហើយ​រហូត​ដល់​ថ្ងៃទី១១ ខែឧសភា ទើបវិធានការខ្លះ​អាចនឹងបន្ធូរបន្ថយ​។ 

លោក Jérôme Salomon មន្ត្រីជាន់ខ្ពស់ នក្ៃរសួងសុខាភិបាល​បារាំង​បានថ្លែងប្រាប់​អ្នកកាសែតថា «យប់នេះ ប្រទេសរបស់យើង​បានឆ្លងឧបសគ្គ​ ដែលជានិមិត្តរូប និង​ការឈឺចាប់ខ្លោចផ្សាបំផុត​» ។ លោកបានថ្លែងថា អ្នកជំងឺបាត់បង់ជីវិត​បានកើនឡើង ២០ ២៦៥នាក់ ។ ប៉ុន្តែ​ករណីថ្មី​ដែលឆ្លងវីរុស មានការធ្លាក់ចុះ​​ច្រើន​ ទាំងនៅ​តាមមន្ទីរពេទ្យ និង​បន្ទប់សង្គ្រោះបន្ទាន់ ។ 

ប្រភពដដែល បាន​បញ្ជាក់ថា ក្នុងរយៈពេល​២៤​ម៉ោង អ្នកជំងឺ​បាត់បង់ជីវិត​ នៅបារាំង ត្រូវបានកត់ត្រា សរុប ៥៤៧នាក់ ។ 

គួរជម្រាបថា មកទល់ពេលថ្ងៃទី២១ ខែមេសា ឆ្នាំ២០២០ តួលេខ​របស់ប្រភព Wikipidea ផ្សាយ ថា នៅក្នុងប្រទេសបារាំង មានអ្នកឆ្លងកូវីដ១៩ សរុប ១១៤ ៦៥៧ នាក់ ដោយក្នុងនោះ ៣៧ ៤០៩ នាក់បានជាសះស្បើយ​វិញផងដែរ ៕ ប្រែសម្រួលដោយ៖ thach yat 

from： https://tnaot.com/km/m/detail/article/9151048