អ៊ីតាលី​ មានចំនួនអ្នកស្លាប់ធ្លាក់ចុះ​ទាបគិតចាប់តាំងពីថ្ងៃទី​១២ខែមេសា ចំណែកអេស្ប៉ាញវិញ ក៏មានអ្នកស្លាប់ទាបបំផុត មិនធ្លាប់មានក្នុងរយៈពេល​១ខែកន្លងមក​។ ទាំងនេះជាព័ត៌មានដ៏ល្អបំផុត សម្រាប់ប្រទេសទាំងពីរ​ក៏ដូចតំបន់អឺរ៉ុបទាំងមូល​។

កាលពីថ្ងៃទី​១៩ ខែមេសា អ៊ីតាលីមានអ្នកស្លាប់ដោយកូវីដ១៩ តែ​៤៣៣នាក់ប៉ុណ្ណោះ​ ជាចំនួនទាបបំផុតក្នុងរយៈពេល១សប្តាហ៍។តាមការលើកឡើងរបស់​មន្ត្រីសុខាភិបាលអ៊ីតាលី ចំនួនអ្នកស្លាប់នៅថ្ងៃទី​១៧ មាន​៥៧៥នាក់ ថ្ងៃទី​១៨ មាន​៤៨២នាក់ ហើយថ្ងៃទី​១៩មាន​៤៣៣នាក់ ចំណែកថ្ងៃទី​២០មិនទាន់មានតូលេខនៅឡើយ​ដោយសង្ឃឹមថានឹងបន្តធ្លាក់ចុះទៀត។

សារព័ត៌មានរ៉យទ័រ នៅថ្ងៃទី​២០ខែមេសា បានផ្សាយថា ចំនួនអ្នកឆ្លងនៅក្នុងប្រទេសអ៊ីតាលីក៏បានថយចុះផងដែរ ពី​៣៤៩១នាក់ ធ្លាក់ចុះត្រឹម​៣០៤៧នាក់ប៉ុណ្ណោះក្នុងមួយថ្ងៃ​។ ជាមួយគ្នានេះ រដ្ឋាភិបាលរបស់នាយករដ្ឋមន្ត្រី Giuseppe Conte បញ្ជាក់ថា អ៊ីតាលី មិនទាន់អាចលុបច្បាប់គ្រាមានអាសន្នបាននៅឡើយទេ​ ប៉ុន្តែនៅតំបន់មួយចំនួន​ដែលមិនមានអ្នកឆ្លងនឹងអនុញ្ញាតឲ្យដំណើរការសេដ្ឋកិច្ចឡើងវិញ។

ចំណែកនៅក្នុងប្រទេសអេស្ប៉ាញ ក៏ដូចគ្នាដែរ​​មានអ្នកស្លាប់ ៤១០នាក់ ក្នុងមួយថ្ងៃ ជាចំនួនទាបបំផុតក្នុងរយៈពេល​១ខែ។ ចំនួនអ្ននស្លាប់ខ្ពស់បំផុតក្នុងប្រទេសនេះគឺនៅថ្ងៃទី ២ខែមេសា មានអ្នកស្លាប់កើនឡើងដល់​៩៥០នាក់ក្នុងរយៈពេល​២៤ម៉ោង​៕ ប្រែសម្រួលដោយ៖ MEO

from： https://tnaot.com/km/m/detail/article/9149843