Sign In 
ក្រុមជនអន្ធពាលជាង១០០នាក់ ត្រូវប៉ូលិសចាប់ខ្លួន ដោយចោទពីបទវាយប្រហារបុរស៣នាក់រហូតដល់ស្ថាប់ ស្ថិតនៅរដ្ឋ Maharashtra ភាគខាងលិចរបស់ប្រទេសឥណ្ឌា ។
ឧប្បត្តិហេតុនេះបានកើតឡើង នៅក្នុងស្រុក Palghar កាលពីថ្ងៃទី១៦ ខែមេសា ប៉ុន្តែវីដេអូស្តីអំពីសកម្មភាពវាយប្រហារ ទើបតែបានចែកផ្សាយ កាលពីថ្ងៃទី១៩ ខែមេសា ។ 
បើតាមប្រភពព័ត៌មានបានផ្សាយថា បុរសរងគ្រោះ គឺត្រូវគេយល់ច្រឡំថា ជាចោរ ខណៈពួកគេកំពុងធ្វើដំណើរទៅចូលរួមពិធីបុណ្យមួយ ហើយត្រូវអូសទម្លាក់ចេញពីរថយន្តរបស់ពួកគេ ដោយក្រុមអន្ធពាល ។
គួរបញ្ជាក់ថា ឥណ្ឌាជាប្រទេសស្ថិតនៅក្នុងការចាក់សោ ឬបិទប្រទេស តាំងពីថ្ងៃទី២៥ ខែមីនា ដើម្បីរាំងស្កាត់ការឆ្លងរាតត្បាត នៃវីរុសកូវីដ១៩ ។ ក្នុងចំណោមបុរសបាត់បង់ជីវិត មាន២នាក់កាន់សាសនាឥណ្ឌា និងអ្នកបើកបររបស់ពួកគេ ។ 
វីដេអូដែលចែករំលែកបានបង្ហាញឃើញហ្វួងមនុស្សកំពុងឡោមព័ទ្ធបុរសរងគ្រោះ ខណៈដែលប៉ូលិសកំពុងព្យាយាមជួយសង្គ្រោះពួកគេ ។ ក្រុមអន្ធពាលត្រូវបានរាយការណ៍ថា សង្ស័យទៅលើបុរសរងគ្រោះទាំងនោះ ជាអ្នកចាប់ពង្រត់កុមារ ។
ការវាយប្រហារទៅលើជនចាប់ពង្រត់កុមារ តាមពាក្យចរចាមអារ៉ាម គឺកើតមាន កាលពីក្នុងអតីតកាល នៅតាមតំបន់ផ្សេងៗ នៅទូទាំងឥណ្ឌា ។ អភិបាលរដ្ឋ Maharashtra លោក Uddhav Thackeray បានថ្លែងថា លោកនឹងចាត់វិធានការតឹងរ៉ឹងប្រឆាំងទៅលើពិរុទ្ធជនទាំងនោះ ។ 
អតីតអភិបាលខេត្ត Maharashtra លោក Devendra Fadnavis បានថ្លែងថា ឧប្បត្តិហេតុបង្ហាញថា រដ្ឋាភិបាលមិនបានគ្រប់គ្រងច្បាប់ទម្លាប់ និងស្ថានភាពនៅក្នុងរដ្ឋមួយនេះទេ ។
ក្រុមអ្នកកាន់សាសនាហិណ្ឌូជាច្រើនក៏បានរិះគន់ ចំពោះឧប្បត្តិហេតុនេះដែរ ហើយបានលើកជាសំណួរទៅលើអំពីដែលហៅថា ចាក់សោ ឬបិទប្រទេសដែលជាវិធានការរបស់រដ្ឋាភិបាលនៅក្នុងរដ្ឋមួយនេះ តើបានដំណើរការយ៉ាងដូចម្តេចខ្លះ ? 
មន្ត្រីជាន់ខ្ពស់ក្នុងតំបន់អះអាងថា ឧប្បត្តិហេតុនេះមិនទាក់ទងគ្នានោះទេ ។ ប្រភពបានបន្ថែម ជនរងគ្រោះ និងក្រុមជនវាយប្រហារ កាន់សាសនាដូចគ្នា ។
ការថ្លែងបែបនេះរបស់មន្ត្រីក្នុងតំបន់ បន្ទាប់ពីការបង្ហោះសារជាច្រើននៅលើបណ្តាញសង្គមបានព្យាយាមជំរុញឲ្យមានស្ថានការតានតឹងខាងសាសនា ចំពោះការវាយប្រហារនេះ ៕ ប្រែសម្រួលដោយ៖ thach yat
