ករណីឆ្លង​វីរុសកូរ៉ូណាក្នុងប្រទេសថៃបានធ្លាក់ចុះបន្តិចមកនៅត្រឹម ៣២ករណី ហើយក៏មិនមានអ្នកជំងឺណាម្នាក់បានស្លាប់នោះដែរ។ ចំនួនអ្នកឆ្លងសរុបក្នុងប្រទេសបានកើនឡើងដល់ ២ ៧៦៥នាក់ អ្នកជាសះស្បើយសរុបចំនួន ១ ៩២៨នាក់ និង៧៩០ នាក់ទៀតកំពុងសម្រាកព្យាបាលនៅមន្ទីរពេទ្យ។ ចំនួនអ្នកស្លាប់សរុបចំនួន ៤៧នាក់។

អ្នកនាំពាក្យរបស់ CCSA លោកវេជ្ជបណ្ឌិត Taweesin Visanuyothin បានប្រាប់សន្និសីទសារព័ត៌មានថា ទីក្រុងបាងកកនិងខេត្ត Nonthaburi សុទ្ធតែមានអត្រាកើនឡើងខ្ពស់ ហើយលោកក៏បានដាស់តឿនដល់ប្រជាពលរដ្ឋ ឱ្យមានការប្រុងប្រយ័ត្នខ្ពស់ជាងមុន ដើម្បីសុវត្ថិភាពទាំងអស់គ្នា។ លោកបានមានប្រសាសន៍ថា ពលករចំណាកស្រុកថៃចំនួន ២ ៥៤៨នាក់​​នៅក្នុងប្រទេសម៉ាឡេស៊ីបានចុះឈ្មោះជាមួយកិច្ចព្រមព្រៀង​បេសកកម្មថៃនៅទីនោះ ដើម្បីវិលត្រឡប់មកស្រុកវិញនៅចុងខែនេះ។ ​ទោះយ៉ាងណាក៏ដោយ ចំនួនអ្នកដែលអនុញ្ញាតឱ្យចូលក្នុងប្រទេសជាប្រចាំថ្ងៃត្រូវបានកំណត់ត្រឹម ៣៥០នាក់ប៉ុណ្ណោះតាមរយៈប៉ុស្តិត្រួតពិនិត្យអន្តោប្រវេសន៍ចំនួន ៥កន្លែង ។ យោងតាមក្រសួងការបរទេសថៃបានឱ្យដឹងថា ឥឡូវនេះមានពលករជនជាតិថៃជាង ៧០០០នាក់ នៅប្រទេសម៉ាឡេស៊ីដែលខ្ចាត់ខ្ចាយពាសពេញរដ្ឋផ្សេងៗគ្នា។ ពួកគេកំពុងទទួលបានការផ្តល់ជូននូវស្បៀងអាហារនិងសម្ភារដែលជាតម្រូវការចាំបាច់ផ្សេងៗទៀត។ ៣ ២១១នាក់ផ្សេងទៀតក៏បានចុះឈ្មោះដើម្បីវិលត្រឡប់ទៅប្រទេសថៃវិញតាមកំពង់ផែផ្សេងៗផងដែរ។ លោកបណ្ឌិត Taweesin បានបញ្ជាក់យ៉ាងច្បាស់ថា តើគួរតែពន្យារពេលបម្រាមគោចរឱ្យលើសថ្ងៃកំណត់ទី ៣០ ខែមេសា ឬគួរអនុញ្ញាតឱ្យផ្សារទំនើបបើកដំណើរការឡើងវិញនៅថ្ងៃទី១ ខែឧសភាដូចដែលបានរាយការណ៍កាលពីថ្ងៃមុនឬយ៉ាងណា។ គណៈកម្មាធិការ CCSA ដឹកនាំដោយនាយករដ្ឋមន្រ្តី ប្រាយុធចាន់អូចា នឹងបង្កើតការប្រជុំមួយនៅចុងសប្តាហ៍នេះ ដើម្បីវាយតម្លៃស្ថានភាពនិងដើម្បីកំណត់ថាតើគួរធ្វើយ៉ាងណាបន្ត។

រូបតំណាង

គណៈកម្មាធិការប្រឹក្សារបស់ CCSA ដែលដឹកនាំដោយលោក Kalin Sarasin ប្រធានសភាពាណិជ្ជកម្មថៃមានគម្រោងថានឹងជួបគ្នានៅថ្ងៃស្អែកដើម្បីពិភាក្សាលើសំណើដើម្បីបើកអាជីវកម្ម ជាច្រើនប្រភេទដូចជា ផ្សារទំនើប ភោជនីយដ្ឋាន ហាងថែរក្សាសម្រស់ ហាងកាត់សក់ជាដើម។ ថៃមានគម្រោងបែងចែកតំបន់ជាបីគឺ ជាតំបន់បៃតង លឿង និងក្រហម។ តំបន់បៃតងជាតំបន់ដែលចាត់ទុកថាមានសុវត្ថិភាពពីវីរុសដូចជានៅក្នុងខេត្តទាំង ៩ ដែលពុំមានរបាយការណ៍ឆ្លង ឬខេត្តដែលមានអត្រាឆ្លងទាប។ តំបន់លឿងជាតំបន់ដែលមានអត្រាឆ្លងខ្ពស់ជាងតំបន់ពណ៌បៃតង រីឯតំបន់ពណ៌ក្រហមជាតំបន់មានអត្រាឆ្លងខ្ពស់បំផុតដូចជាបាងកក Nonthaburi និង ភូកេត។ លោក Kalin បានពន្យល់ថា ការបែងចែកជាតំបន់ក្រហមមិនមែនមានន័យថាអាជីវកម្មទាំងអស់ត្រូវតែបិទទ្វារនោះទេ។ អាជីវកម្ម មួយចំនួនអាចបើកឡើងវិញបានប៉ុន្តែប្រជាជនទាំងអស់ត្រូវរក្សាគម្លាតពីគ្នាដើម្បីសុវត្ថិភាពទាំងខ្លួនឯងនិងអ្នកដទៃផងដែរ។ ក្នុងចំណោមអ្នកឆ្លងថ្មីចំនួន ៣២នាក់ មាន១៨ នាក់បានមានទំនាក់ទំនងជាមួយនឹងអ្នកឆ្លងវីរុសកាលពីមុន និងជាមនុស្សមកពីតំបន់ដែលមានហានិភ័យខ្ពស់។ ក្នុងនោះមាន ៤ នាក់ទៀតដែលស្ថិតក្នុងស្ថានភាពដាក់ឱ្យនៅដាច់ដោយឡែក។

កែសម្រួលដោយ៖ ភារ៉ា

ប្រភព៖ Thai PBS WORLD

from： https://tnaot.com/km/m/detail/article/9149346