ឯកអគ្គរដ្ឋទូតអាមេរិក​ប្រចាំនៅកូរ៉េខាងត្បូង​ បានបញ្ជាក់ថា យន្តហោះគ្មានមនុស្ស​បើកអាមេរិក Global Hawk បានមកដល់​កូរ៉េខាងត្បូង​ហើយ ។ នេះបើតាមការផ្សាយរបស់ប្រភពព័ត៌មាន​កូរ៉េខាងត្បូង ​កាលពីថ្ងៃទី២០ ខែមេសា ឆ្នាំ២០២០ ។ 

ឯកអគ្គរដ្ឋទូត​អាមេរិក​ប្រចាំនៅទីក្រុងសេអ៊ុល បានបញ្ជាក់ថា ការមកដល់​យន្តហោះ​​គ្មានមនុស្ស Global Hawk នេះ គឺជា «ថ្ងៃដ៏អស្ចារ្យ» ​សម្រាប់សម្ពន្ធមិត្ត ។ 

ថ្លែងនៅលើបណ្តាញទំនាក់ទំនងសង្គម Twitter កាលពីថ្ងៃទី១៩ ខែមេសា ឆ្នាំ២០២០ លោក Harry Harris បានផ្សព្វផ្សាយ​រូបភាព​យន្តហោះគ្មានមនុស្សបើកបរ Global Hawk ដោយ បំពាក់ទង់ជាតិកូរ៉េខាងត្បូង និងទង់ជាតិអាមេរិក​នៅពីខាងក្រោយ​។ 

លោក Harris មិនបានបញ្ជាក់ថា តើ Global Hawk ប៉ុន្មានគ្រឿង​​មកដល់​កូរ៉េខាងត្បូង​នោះឡើយ ។ 

មុននេះ ប្រភពពីយោធា​បានបញ្ជាក់ថា Global Hawks ពីរគ្រឿងបន្ថែម​ទៀត​នឹងមកដល់កូរ៉េខាងត្បូង ក្នុងខែមេសា ឆ្នាំ២០២០ បន្ទាប់ពីការមកដល់កាលពីលើកមុន​ ក្នុងខែធ្នូ ឆ្នាំ២០១៩ ។ 

ស្ថិតក្រោមកិច្ចព្រមព្រៀង​ឆ្នាំ២០១១ រដ្ឋាភិបាលទីក្រុងសេអ៊ុល​ទិញ​យន្តហោះ Global Hawks ពីសហរដ្ឋអាមេរិក​ចំនួន​៤គ្រឿង, ដូច្នេះ នៅសល់១គ្រឿង នឹងមកដល់​នៅ​ដើមឆមាស​ ឆ្នាំ២០២០នេះ៕ ប្រែសម្រួលដោយ៖ thach yat 

from： https://tnaot.com/km/m/detail/article/9148854