Sign In 
វិបត្តិ Covid-19 នឹងធ្វើឱ្យវិស័យបាល់ទាត់ប្រែប្រួល ព្រោះក្លឹបបាល់ទាត់ទាំងអស់សុទ្ធតែប៉ះពាល់ គ្រាន់តែខ្លះតិច ខ្លះច្រើនប៉ុណ្ណោះ។
ប្រភពនៅអេស្ប៉ាញបានចុះផ្សាយថាក្រុម FC Barcelona ប៉ះពាល់ផ្នែកហិរញ្ញវត្ថុខ្លាំងមែនទែន ដែលតម្រូវឱ្យពួកគេកាត់ប្រាក់ឈ្នួលកីឡាករដល់ទៅ៧០%ឯណោះ។ មិនត្រឹមតែប៉ុណ្ណឹងទេ ពេលនេះថ្នាក់ដឹកនាំនឹងធ្វើការដោះដូរកីឡាករទ្រង់ទ្រាយធំថែមទៀត។ នេះមានន័យថាកីឡាករមួយចំនួននឹងត្រូវលក់ចេញហើយ ពេលរដូវកាលដោះដូរកីឡាករមកដល់។
តែយ៉ាងណាក៏ដោយ ប្រភពបានបញ្ជាក់ថាកីឡាករ៣នាក់ក្នុងក្រុមនឹងមានសវុត្ថិភាព គ្មានការចាកចេញទៅណានោះទេ។ កីឡាករទាំង៣នាក់នោះរួមមាន Lionel Messi, Marc-Andre ter-Stegen និង Frenkie de Jong។ ពួកគេ ជាកីឡាករសំខាន់ជាងគេក្នុងក្រុម ដែលមិនអាចបាត់បង់បានទេ សម្រាប់រដូវកាលថ្មីខាងមុខ។ ដោយឡែកសម្រាប់កីឡាករដទៃទៀត អាចត្រូវលក់ចេញ ឬយកទៅដោះដូរសម្រាប់នាំយកកីឡាករថ្មីពេលខាងមុខ៕
