Sign In 
ខេត្តព្រះសីហនុ៖ ជនសង្សយ័២នាក់ ដែលជិះម៉ូតមួយគ្រឿង ធ្វើសកម្មភាពឆក់កាបូបលុយពីក្មេងសិស្សសាលាម្នាក់ កាលពីព្រលប់ថ្ងៃ១៨មេសា២០២០ នៅលើផ្លូវ ជាតិ៤ ស្ថិតនៅក្នុងភូមិបឹងត្រាច ឃុំចំការហ្លួង ស្រុកកំពង់សីលា ខេត្ដព្រះសីហនុ ត្រូវបានសមត្ថកិច្ចឃាត់ខ្លួនហើយ នៅថ្ងៃទី១៩ ខែមេសានេះ។
របាយការណ៍សមត្ថកិច្ចបានឲ្យដឹងថា ម្ចាស់កាបូបឈ្មោះ សំ ស្រីពៅ ភេទស្រី អាយុ១៥ឆ្នាំ ជនជាតិខ្មែរ មុខរបរសិស្ស មានទីលំនៅកន្លែងកើតហេតុ ជិះម៉ូតូម្នាក់ឯង ក្រោយចោរឆក់កាបូប ជនរងគ្រោះដួលម៉ូតូ រងរបួសស្រាល។
ជនរងគ្រោះដែលជាសិស្សសាលាបានឲ្យដឹងថា សម្ភារបាត់បង់មាន កាបូប១ ប្រាក់១៣ម៉ឺនរៀល ប័ណ្ណដកប្រាក់វីង១សន្លឹកមានទឹកប្រាក់ចំនួន៨០ម៉ឺនរៀល។
ចំណែកជនសង្ស័យទាំង២នាក់នោះ ទី១ ឈ្មោះ កង រីវីរោទ៍ អាយុ១៥ឆ្នាំ ជនជាតិខ្មែរ មុខរបរសិស្ស មានទីលំនៅភូមិខ១សង្កាត់ច្រាំងចំរេះ ខ័ណ្ឌឫស្សីកែវ រាជធានីភ្នំពេញ ទី២ ឈ្មោះ លឹម ផាន់អួនសា ភេទប្រុស អាយុ១៥ឆ្នាំ ជនជាតិខ្មែរ មុខរបរសិស្ស មានទីលំនៅភូមិ១២ សង្កាត់ វាលវង់ ខណ្ឌ៧មករា រាជធានីភ្នំពេញ ។
សមត្ថកិច្ចបានបញ្ជាក់ថា ក្រោយឃាត់ខ្លួន ជនសង្ស័យទាំង២នាក់បានសារភាពថា ខ្លួនពិតជាបានធើ្វសកម្មភាពជិះម៉ូតូឆក់កាបូបលុយជនរងគ្រោះពិតប្រាកដមែន ។ បច្ចុប្បន្ន ជនសង្ស័យទាំង២នាក់ និងវត្ថុតាង បានបញ្ជូនមកកាន់ការិយាល័យនគរបាលព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្ដ ដើម្បីចាត់ការបន្តតាមនីតិវិធី៕ ដោយ៖ ប៊ុនធឿន
