យោងតាមការចេញផ្សាយ​របស់ប្រភពព័ត៌មាន wikipedia កាលពីថ្ងៃទី១៩ ខែមេសា ឆ្នាំ២០២០ បានបញ្ជាក់ថា ស្ថិតិ​ COVID-19 ទូទាំងពិភពលោក គិតមកត្រឹមថ្ងៃទី១៩ ខែមេសា បានកើនឡើង ២ ៣១០ ៥៧២ នាក់ ។ 

ប្រភពបានបន្តថា ក្នុងចំណោម​អ្នកឆ្លង​ទាំងនោះ, ១៥៨ ៦៩១ នាក់​បានបាត់បង់ជីវិត គឺពិតជា​អាណោចអាធ័ម​ខ្លាំងណាស់ ខណៈដែល​ថ្នាំព្យាបាលជាក់លាក់ ឬ​វាក់សាំង​បង្ការ នៅមិនទាន់​ត្រូវបានរកឃើញនៅឡើយទេ ។ 

ប៉ុន្តែ​យ៉ាងណាក៏ដោយ អ្នកជំងឺ​ក្នុងចំណោមនោះសរុប ៥៩០ ៦៨២ បានជាសះស្បើយវិញផងដែរ ។ 

តាមប្រភពដដែលនេះ​បានបន្តថា សហរដ្ឋអាមេរិក​ជាប្រទេស​រងគ្រោះ​ច្រើនបំផុត​ដោយសារ COVID-19 នេះ ។ អាមេរិក​មានអ្នកឆ្លងសរុប ៧៣៨ ៤៨៩ នាក់ ហើយក្នុងនោះបាត់បង់ជីវិត ៣៨ ៩១៧នាក់ និង ៦៥ ៤០៥ ។ 

អេស្ប៉ាញរងគ្រោះ​ឈរនៅលំដាប់ទី២ ដោយមានអ្នកឆ្លងសរុប ១៩៤ ៤១៦នាក់ ក្នុងនោះបាត់បង់ជីវិត ២០ ៦៣៩ នាក់ និង ៧៤ ៦៦២ នាក់​បានជាសះស្បើយ ។ 

អ៊ីតាលី​រងគ្រោះឈរនៅលំដាប់លេខ៣ ដោយមានអ្នកឆ្លងសរុប ១៧៥ ៩២៧ នាក់ ក្នុងនោះបាត់បង់ជីវិត ២៣ ២២៧ នាក់ និង​៤៤ ៩២៧ នាក់​បានជាសះស្បើយ ។ 

អាល្លឺម៉ង់​រងគ្រោះឈរនៅលំដាប់លេខ៤, បន្ទាប់មកទៀត​គឺអង់គ្លេស និងបារាំង ។ល។ 

គួររំលឹកថា វីរុសកូរ៉ូណាប្រភេទថ្មី ឬ COVID-19 បានផ្ទុះឡើង​ដំបូង​គេ​នៅក្នុងខែធ្នូ ឆ្នាំ២០១៩ ។ វីរុសនេះ​ផ្ទុះឡើងនៅក្នុងទីក្រុងវូហាន ខេត្តហ៊ូប៉ី ភាគកណ្តាលរបស់ប្រទេសចិន ។ 

ប្រទេសចិន​ដែលរងគ្រោះ​ពីវីរុស​ដំបូងគេនោះ មកដល់ពេលបច្ចុប្បន្ន​ ​ហាក់បានគ្រប់គ្រងស្ថានការ​បានទាំងស្រុង​ នូវការឆ្លងរាតត្បាត​នៅក្នុងប្រទេសរបស់ខ្លួន ខណៈដែលវាបានឆ្លង​សរុប ៨២ ៧១៩ នាក់ ក្នុងនោះបាត់បង់ជីវិត ៤ ៦៣២នាក់ប៉ុណ្ណោះ ហើយ ​៧៧ ០២៩ នាក់បានជាសះស្បើយ ។ 

សូមបញ្ជាក់ថា វីរុស​នេះ​បានឆ្លងរាតត្បាត​នៅ​លើដែនដី និងប្រទេសជុំវិញ​ពិភពលោក​សរុប ២៣៥ គឺតមកត្រឹមថ្ងៃ១៩ ខែមេសា ឆ្នាំ២០២០ ៕ ប្រែសម្រួលដោយ៖ thach yat 

from： https://tnaot.com/km/m/detail/article/9145978