Sign In 
បុរសម្នាក់បើកបរម៉ូតូក្នុងស្ថានភាពស្រវឹង បណ្តាលឱ្យកាច់ចង្កូតមិនទាន់ក៏ជ្រុលទៅបុកខ្លោងទ្វារវត្តស្លាប់ភ្លាមៗនៅកន្លែងកើតហេតុ កាលពីវេលាម៉ោង ២១និង០៥នាទីយប់ ថ្ងៃទី១៧ ខែមេសា ឆ្នាំ២០២០ នៅចំណុចខ្លោងទ្វារវត្តថ្មពួកលើ ស្ថិតក្នុងភូមិអ្នកតា ឃុំថ្មពួក ស្រុកថ្មពួក ខេត្តបន្ទាយមានជ័យ។
ជនរងគ្រោះមានឈ្មោះ ចាន់ ធា ភេទប្រុស អាយុ ២៤ឆ្នាំ មានទីលំនៅភូមិអណ្តូងខ្លុង ឃុំគំរូ ស្រុកថ្មពួក ខេត្តបន្ទាយមានជ័យ បើកបរម៉ូតូម៉ាកហុងដាវ៉េវ ពណ៌ខ្មៅ គ្មានស្លាកលេខ។
ក្រោយកើតហេតុជនរងគ្រោះត្រូវបានសមត្ថកិច្ចជំនាញដឹកយកទៅសង្គ្រោះបន្ទាន់នៅមន្ទីរពេទ្យបង្អែកស្រុកថ្មពួក ប៉ុន្តែដោយសារតែសភាពធ្ងន់ធ្ងរខ្លាំង ក៏បញ្ជូនបន្តទៅមន្ទីរពេទ្យមង្គលបូរី រួចក៏ត្រូវដាច់ខ្យល់ស្លាប់បាត់តែម្តង។ ចំណែកសាកសពត្រូវបានធ្វើកោសល្យវិច័យ និងប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕ ដោយ ៖ សុង យូ
