Sign In 
រដ្ឋាភិបាលមីយ៉ាន់ម៉ា បានសម្រេចដោះលែងអ្នកទោស រហូតដល់១ភាគ៤ នៃអ្នកទោសទាំងអស់ នៅក្នុងប្រទេសនេះ ស្មើនឹង២៥ពាន់នាក់ ដើម្បីបង្ការនូវការឆ្លងកូវីដ១៩ នៅក្នុងមន្ទីរឃុំឃាំង។
យោងតាមសារព័ត៌មាន Bangkok Post កាលពីថ្ងៃទី១៧ ខែមេសា បានផ្សាយថា នៅក្នុងសេចក្តីប្រកាសចេញពីការិយាល័យប្រធានាធិបតីមីយ៉ាន់ម៉ា នៅថ្ងៃទី១៧ ខែមេសា បានបញ្ជាក់ថា អ្នកទោសរហូតដល់ទៅ១ភាគ៤ ស្មើ២៥ពាន់នាក់ ត្រូវបានដោះលែង ដើម្បីកាត់បន្ថយចំនួនអ្នកទោស បញ្ចៀសការឆ្លងរាលដាល នៃកូវីដ១៩។
នៅក្នុងប្រទេសមីយ៉ាន់ម៉ា អ្នកទោសដែលមានទោសស្រាល ក្នុងប្រទេសនេះ នឹងទទួលបានការលើកលែងទោស ក្នុងឱកាសបុណ្យចូលឆ្នាំថ្មី នៅខែមេសានេះ។ ជារៀងរាល់ឆ្នាំ មានអ្នកទោស៥ពាន់នាក់ ត្រូវបានលើកលែងទោស។ ដោយឡែក នៅក្នុងឆ្នាំ២០២០ រដ្ឋាភិបាលមីយ៉ាន់ម៉ាបានបង្កើនចំនួនអ្នកទោសត្រូវដោះលែង កើនឡើងដល់៥ដង ស្មើ២៥ពាន់នាក់ ដើម្បីទប់ស្កាត់ការឆ្លងរាលដាល នៃកូវីដ-១៩។
អ្នកទោសនៅក្នុងប្រទេសមីយ៉ាន់ម៉ា មានប្រមាណ១សែននាក់ ហើយក្នុងចំណោមអ្មកទោសដែលបានដោះលែង មានជនបរទេស៨៧នាក់ នឹងត្រូវបណ្តេញចេញពីប្រទេសក្រោយការដោះលែង។ មីយ៉ាន់ម៉ា មាននអ្នកឆ្លងសរុប៨៥នាក់ ស្លាប់៤នាក់៕ ប្រែសម្រួលដោយ៖ MEO
