Welcome

Labore et dolore magna aliqua. Ut enim ad minim veniam

Select Your Favourite
Category And Start Learning.

អាជ្ញាធរថៃកំពុងពិចារណា បន្ធូរបន្ថយស្ថានភាពដាក់ប្រទេស ក្នុងគ្រាអាសន្ន

ក្រោយពេលចំនួនថ្មី នៃអ្នកឆ្លងវីរុសកូវីដ១៩ មានការកើនឡើងតិចតួចនោះមក មជ្ឈមណ្ឌល​គ្រប់​គ្រងស្ថានភាពកូវីដ១៩ នៃប្រទេសថៃ (CCSA) កំពុងតែពិចារណាឡើងវិញ អំពីការបន្ធូរ​បន្ថយ​​ច្បាប់​ដាក់​ប្រទេស ក្នុងគ្រាអាសន្ន។

យោងតាមគេហទំព័រ Thaipbsworld បានឲ្យដឹងថា​ បើគិតត្រឹមថ្ងៃទី១៧ ខែមេសា នៅ​ក្នុង​ប្រទេស​ថៃ មានករណីឆ្លងថ្មី នៃកូវីដ១៩ ចំនួន២៩នាក់ និងស្លាប់ម្នាក់។ ប៉ុន្ដែបើគិត​អំពី​អត្រា នៃ​ការព្យាបាលជាសះស្បើយវិញ មានរហូតដល់ទៅ៦២ភាគរយ នៃចំនួនអ្នកឆ្លងកូវីដ១៩​សរុប។ បើធៀបនឹងពេលកន្លងមក  ចំនួនអ្នកឆ្លងថ្មី នាពេលនេះមានចំនួនតិច ។

ប្រភពព័ត៌មានដដែល បានបន្ដថា ដោយសារតែបញ្ហានេះ ទើប  CCSA កំពុងតែ​វាយ​តម្លៃ​ លើការអនុវត្តវិធានការ ​ដែលត្រូវបានដាក់នៅក្រោមក្រឹត្យប្រតិបត្តិការ ក្នុងគ្រាអាសន្ន ​រួមទាំង បម្រាមគោចរ នាពេលយប់ផងដែរ។​ CCSA នឹងពិចារណា ដើម្បីកំណត់ថា CCSA នឹងគួរតែ​ត្រូវពន្យារ លើវិធានការមួយចំនួន ឬក៏អាចនឹងត្រូវបានបន្ធូរបន្ថយ នៅតាមតំបន់ណាខ្លះ។

លោក ប្រាយុទ្ធ ចាន់អូចា (Prayut Chan-o-cha) បានថ្លែងក្រោយកិច្ចប្រជុំគណ:រដ្ឋមន្រ្ដី ថា រហូត​មកដល់ពេលបច្ចុប្បន្ននេះ ថៃបានទប់ស្កាត់វីរុសកូវីដ១៩នេះ រហូតមានល្បឿន នៃការ​ឆ្លងយឺត បើធៀបនឹងពេលកន្លងមក។ បញ្ហានេះនឹងត្រូវលើកយកមកពិចារណាឡើងវិញ អំពី​ការវាយតម្លៃ​ផលប៉ះពាល់របស់ CCSA ចំពោះច្បាប់អាសន្នដែលត្រូវផុតកំណត់ នៅថ្ងៃទី២៦ ខែមេសា ខាងមុខនេះ។

លោកនាយករដ្ឋមន្រ្ដី​ បានបញ្ជាក់ថា ប្រជាពលរដ្ឋប្រឈមនឹងការលំបាកច្រើន ចំពោះ​ការ​ដាក់​​ប្រទេសឲ្យស្ថិតក្នុងគ្រាអាសន្ននេះ។ ប៉ុន្ដែលោកនាយករដ្ឋមន្រ្ដី​ ក៏សុំពលរដ្ឋឲ្យមានការ​យោគ​យល់អំពីស្ថានការណ៍ នៃការរីករាលដាល នៃកូវីដ១៩នេះផងដែរ។

បើគិតមកដល់វេលារសៀល ថ្ងៃទី១៧ ខែមេសា ឆ្នាំ២០២០ នៅក្នុងប្រទេសថៃ មានអ្នក​ឆ្លងកូវីដ១៩ ចំនួន២៦៧២នាក់ ក្នុងនោះស្លាប់៤៦នាក់ និងជាសះស្បើយ១៥៩៣នាក់៕ ប្រែសម្រួលដោយ Nuon

from: https://tnaot.com/km/m/detail/article/9141022