បើគិតចាប់តាំងពីការផ្ទុះឡើងដំបូង នៃវីរុសកូវីដ១៩ នៅក្នុងអំឡុងខែធ្នូ ឆ្នាំ២០១៩ រហូតមក​ដល់​ព្រឹក ថ្ងៃទី១៧ ខែមេសា នៅលើពិភពលោក មានអ្នកឆ្លងកើនឡើង រហូតដល់ទៅ​២​១៨២១៩៧នាក់ ក្នុងនោះស្លាប់ ១៤៥ ៥២១នាក់ និងជាសះស្បើយ ៥៤៧ ២៩៥នាក់។

យោងតាមវើលដូម៉ែទ័រ បានបង្ហាញតួលេខ នៃអ្នកឆ្លងកូវីដ១៩ កាលពីព្រឹក ថ្ងៃទី១៧ ខែមេសា ថា  រហូតមកដល់ពេលនេះ អាមេរិក ក្លាយជាប្រទេសរងគ្រោះខ្លាំងជាងគេបំផុត នៅលើពិភព​លោក ដោយមានអ្នកឆ្លងកើនឡើង ៦៧៧ ៥៧០នាក់ ក្នុងនោះស្លាប់៣៤៦១៧​នាក់ និងជា សះស្បើយ ៥៧៥០៨នាក់ ។

ប្រទេសដែលមានអ្នកឆ្លងកូវីដ១៩ច្រើន បន្ទាប់បីអាមេរិក គឺអេស្ប៉ាញ ដោយ​មានអ្នក​ឆ្លង​កើន​ឡើងដល់ ១៨២ ៩៤៨នាក់ ក្នុងនោះស្លាប់ ១៩ ៣១៥នាក់ និងជាសះស្បើយ៧៤ ៧៩៧នាក់។ រីឯអ៊ីតាលី មានអ្នកឆ្លងកើនឡើង ១៦៨ ៩៤១នាក់ ក្នុងនោះស្លាប់ ២២ ១៧០នាក់ និងជាសះ​ស្បើយ​ ៤១៦៤នាក់។

បារាំង ជាប្រទេសឈរលំដាប់ទី៤ នៃចំនួនអ្នកឆ្លងកូវីដ១៩ ច្រើនជាងគេ នៅលើពិភពលោក ដោយមានអ្នកឆ្លង ១៦៥ ០២៧នាក់ ក្នុងនោះស្លាប់ ១៧ ៩២០នាក់ និងជាសះ​ស្បើយ ៣២៨១២​​នាក់។ បន្ទាប់មក គឺប្រទេសអាល្លឺម៉ង់ មានអ្នកឆ្លង ១៣៧ ៦៩៨នាក់ ក្នុងនោះស្លាប់​៤០៥២​នាក់ និងជាសះស្បើយ៧៧០០០នាក់។ បន្ទាប់មក គឺអង់គ្លេស មានអ្នកឆ្លង១០៣០៩៣នាក់ ក្នុងនោះមានអ្នកស្លាប់១៣៧២៩នាក់ ។

ដោយឡែកប្រទេសចិន ជាទីផ្ទុះឡើងដំបូង នៃវីរុសនេះ ស្ថិតក្នុងលំដាប់លេខ៧ នៃប្រទេស​ដែលមានអ្នកឆ្លងវីរុសកូវី៩ច្រើនជាងគេបំផុត នៅលើពិភពលោក។ ប្រទេសចិន មានអ្នកឆ្លង ៨២ ៣៦៧នាក់ ក្នុងនោះស្លាប់៣៣៤២នាក់ និងជាសះស្បើយជិត ៧៨០០០នាក់។

បើតាមគេហទំព័រខាងលើ បានបង្ហាញថា អាមេរិក ជាប្រទេសមានអ្នកស្លាប់​ដោយសារ​វីរុសកូវីដ១៩ច្រើនជាងគេបំផុត នៅលើពិភពលោក៕ ប្រែសម្រួលដោយ Nuon

from： https://tnaot.com/km/m/detail/article/9140652