មេបញ្ជាការកម្លាំងទាហានជើងទឹកបារាំង បានបញ្ជាក់ថា រហូតមកដល់ពេលនេះ មានាវិក​បារាំង ជិត​៧០០នាក់ហើយ នៅលើនាវាផ្ទុកយន្តហោះ Charles de Gaulle បានឆ្លងកូវីដ-១៩។ ក្នុង​ចំណោម​នោះ មាននាវិកដល់ទៅ​៣១នាក់ ​ត្រូវបញ្ជូនទៅកាន់មន្ទីរពេទ្យ St. Anne ក្នុងតំបន់ Toulon ដើម្បីព្យាបាលជាបន្ទាន់។

មន្ត្រីយោធាបារាំង បានឲ្យដឹងថា នាវិកនៅលើនាវាពីរគ្រឿង រួមមាន នាវាផ្ទុកយន្តហោះ និង​នាវា​​ចម្បាំង​​ការពារ ត្រូវបានធ្វើតេស្ត  ស្វែងរកកូវីដ-១៩ រហូតដល់ចំនួន១៧៦៧នាក់។

មន្ត្រី​ទាហាន​បារាំង បានឲ្យដឹងថា អាចនឹងមានទាហាន ជាច្រើនទៀត ឆ្លងកូវីដ-១៩។

នាវាផ្ទុកយន្តហោះ Charles de Gaulle ត្រូវបានអមការពារដោយនាវាចម្បាំង Chevalier Paul ប៉ុន្ដែ​ក្រោយពេល​រកឃើញនាវិក​ ចំនួន៤០នាក់ ឆ្លងកូវីដ-១៩ ទើបនាវាទាំងនេះ ចូលចត​នៅ​ទី​តាំង​ទាហានជើងទឹក Toulon កាលពីថ្ងៃទី​១២ ខែមេសា​។

ទោះជាយ៉ាងណា រហូតមកដល់ពេលនេះ មន្ត្រីរដ្ឋាភិបាលបារាំង​នឹងស្វែងរកមូលហេតុ បង្កឲ្យ​មាន​​អ្នកឆ្លងកូវីដ-១៩ នៅលើនាវាចម្បាំង។ តើវីរុសកូវីដ១៩នោះ ឡើងទៅលើនាវាចម្បាំង តាម​របៀប​ណា៕ ប្រែសម្រួលដោយ៖MEO

from： https://tnaot.com/km/m/detail/article/9138795