យោងតាមវើលដូម៉ែទ័រ បង្ហាញតួលេខ កាលពីរសៀលថ្ងៃទី១៥ ខែមេសា នេះ បានឲ្យដឹងថា បណ្ដាប្រទេសទាំង១០ ក្នុងតំបន់អាស៊ីអាគ្នេយ៍ ហៅកាត់ អាស៊ាន មានអ្នកឆ្លងកូវីដ១៩ កើន​ឡើង រហូតដល់ ២១ ៥៦២នាក់ ក្នុងនោះស្លាប់៩៣៤នាក់ និងជាសះស្បើយកើនឡើងដល់ ៥៦៨២នាក់។

បើទោះជាកាលពីពេលកន្លងទៅថ្មីៗនេះ ប្រធានាធិបតីហ្វីលីពីន ចេញ​បទបញ្ជាយ៉ាង​តឹងរឹង​ប្រឆាំង​នឹងកូវីដ​១៩ រហូតអនុញ្ញាតឲ្យប៉ូលិស​បាញ់សម្លាប់ចោលទៅលើជនណាមួយបំពាន​ធ្ងន់ធ្ងរលើច្បាប់ប្រឆាំងកូវីដ១៩ក្ដី តែរហូតមកដល់ពេលនេះ ហ្វីលីពីន ក្លាយជាប្រទេសមាន​អ្នកឆ្លង​កូវីដ១៩​​ច្រើនជាងគេ​បំផុត នៅក្នុងតំបន់អាស៊ាន។ ប៉ុន្ដែចំនួនអ្នកស្លាប់ច្រើនជាងគេវិញ គឺឥណ្ឌូនេស៊ី។

ប្រទេសហ្វីលីពីន មានអ្នកឆ្លងវីរុសកូវីដ១៩​ ចំនួន៥២២៣នាក់ ក្នុងនោះស្លាប់៣៣៥នាក់ និងជា​សះ​ស្បើយចំនួន២៩៥នាក់។ ម៉ាឡេស៊ី មានអ្នកឆ្លង៤៩៨៧នាក់ ក្នុងនោះស្លាប់៨២នាក់ និងជាសះស្បើយ ចំនួន២៤៧៨នាក់។ ឥណ្ឌូនេស៊ី ​មានអ្នកឆ្លងកើនឡើង ៤៨៣៩នាក់ ក្នុងនោះ​ស្លាប់៤៥៩នាក់ និងជាសះស្បើយ​៤២៦នាក់។

ប្រទេសសិង្ហបុរី​ មានអ្នកឆ្លងកើនឡើង ៣២៥២នាក់ ក្នុងនោះស្លាប់១០នាក់ និងជា​សះស្បើយ ៦១១នាក់។ ប្រទេសថៃ មានអ្នកឆ្លងកើនឡើង២៦៤៣នាក់ ក្នុងនោះស្លាប់៤៣នាក់ និងជាសះស្បើយ​១៤៩៧នាក់។

ប្រទេសវៀតណាម មានអ្នកឆ្លងវីរុសកូវីដ១៩ ចំនួន ២៦៧នាក់ ក្នុងនោះជាសះស្បើយ​១៦៩នាក់។ ប្រទេសប៊្រុយណេ មានអ្នកឆ្លង១៣៦នាក់ ក្នុងនោះស្លាប់ម្នាក់ និងជាសះស្បើយ​ចំនួន១០៧នាក់។

ប្រទេសកម្ពុជា មានអ្នកឆ្លង១២២នាក់ ក្នុងនោះជាសះស្បើយ ចំនួន៩៦នាក់។ ប្រទេស​មីយ៉ាន់ម៉ា មានអ្នកឆ្លងកើនឡើង៧៤នាក់ ក្នុងនោះស្លាប់៤នាក់ និងជាសះស្បើយ ២នាក់។ ប្រទេសឡាវ មានអ្នកឆ្លងចំនួន១៩នាក់ ក្នុងនោះជាសះស្បើយម្នាក់៕ ប្រែសម្រួលដោយ Nuon

from： https://tnaot.com/km/m/detail/article/9136703