ថ្វីបើកាលពីកន្លងទៅថ្មីៗនេះ ប្រធានាធិបតីហ្វីលីពីន ចេញបទបញ្ជាឲ្យតឹងរឹងប្រឆាំងនឹងកូវីដ​១៩ រហូតអនុញ្ញាតឲ្យប៉ូលិសបាញ់សម្លាប់ចោលទៅលើជនណាមួយបំពានធ្ងន់ធ្ងរលើច្បាប់​នេះក្ដី តែរហូតមកដល់ពេលនេះ ហ្វីលីពីន ក្លាយជាប្រទេសមានអ្នកឆ្លងកូវីដ១៩ច្រើនជាងគេ​បំផុត នៅក្នុងតំបន់អាស៊ាន។

ប្រទេសហ្វីលីពីន មានអ្នកឆ្លងវីរុសកូវីដ១៩​ ចំនួន៤៩៣២នាក់ ក្នុងនោះស្លាប់៣១៥នាក់ និងជា​សះ​ស្បើយចំនួន២៤២នាក់។ ម៉ាឡេស៊ី មានអ្នកឆ្លង៤៨១៧នាក់ ក្នុងនោះស្លាប់៧៧នាក់ និងជាសះស្បើយ ចំនួន២២៧៦នាក់។

ឥណ្ឌូនេស៊ី ​មានអ្នកឆ្លងកើនឡើង ៤៥៥៧នាក់ ក្នុងនោះស្លាប់៣៩៩នាក់ និងជាសះស្បើយ​៣៨០នាក់។ ឥណ្ឌូនេស៊ី ជាប្រទេសមានអ្នកស្លាប់ដោយកូវីដ១៩ច្រើនជាងគេបំផុត នៅក្នុង​តំបន់អាស៊ាន។

ប្រទេសថៃមានអ្នកឆ្លងកើនឡើង២៥៧៩នាក់ ក្នុងនោះស្លាប់៤០នាក់ និងជាសះស្បើយ​១២៨៨នាក់។ រីឯប្រទេសសិង្ហបុរី​ មានអ្នកឆ្លងកើនឡើង២៥៣២នាក់ ក្នុងនោះស្លាប់៨នាក់ និងជាសះស្បើយ៥៦០នាក់។

ប្រទេសវៀតណាម មានអ្នកឆ្លងវីរុសកូវីដ១៩ កើនឡើង ២៦២នាក់ ក្នុងនោះជាសះស្បើយ​១៤៥នាក់។ ប្រទេសប៊្រុយណេ មានអ្នកឆ្លង១៣៦នាក់ ក្នុងនោះស្លាប់ម្នាក់ និងជាសះស្បើយ​ចំនួន១០៦នាក់។ 

 ប្រទេសកម្ពុជា មានអ្នកឆ្លង១២២នាក់ ក្នុងនោះជាសះស្បើយ ចំនួន៧៧នាក់។ ប្រទេសមីយ៉ាន់ម៉ាន មានអ្នកឆ្លងកើនឡើង៤១នាក់ ក្នុងនោះស្លាប់៤នាក់ និងជាសះស្បើយ ២នាក់។ ប្រទេសឡាវ មានអ្នកឆ្លងចំនួន១៩នាក់។

បើយោងតាមវើលដូម៉ែទ័រ បង្ហាញតួលេខ កាលពីវេលាម៉ោង៥ និង៣០នាទីល្ងាច​ ថ្ងៃទី១៣​ ខែមេសា ​បានឲ្យដឹងថា បណ្ដាប្រទេសទាំង១០ នៅក្នុងតំបន់អាស៊ាន​ មានអ្នកឆ្លងកូវីដ១៩ សរុប ១៩៩៩៧នាក់ ក្នុងនោះស្លាប់៨៤៤នាក់ និងជាសះស្បើយ៥០៧៦នាក់៕ ប្រែសម្រួល ដោយ Nuon

from： https://tnaot.com/km/m/detail/article/9131124