អាមេរិក៖ អ្នកជំនាញជាន់ខ្ពស់ខាងជំងឺឆ្លងរបស់រដ្ឋាភិបាល បាននិយាយកាលពីថ្ងៃអាទិត្យថា សហរដ្ឋអាមេរិកប្រហែលជាត្រៀមខ្លួនរួចរាល់ ដើម្បីចាប់ផ្ដើមបើកឡើងវិញជាបណ្ដើរៗនៅខែក្រោយនេះ ខណៈដែលមានសញ្ញាកាន់តែកើនឡើងបង្ហាញថា ជំងឺរាតត្បាតសកល COVID-19 កំពុងឈានទៅរកចំណុចកំពូលរបស់វា។

លោក ប្រធានាធិបតី ដូណាល់ ត្រាំ មុននេះចង់ឲ្យប្រទេសដែលមានសេដ្ឋកិច្ចធំជាងគេ នៅលើពិភពលោកមួយនេះត្រូវបានបើកឡើងវិញនៅថ្ងៃបុណ្យអ៊ីស្ទើរថ្ងៃអាទិត្យ ប៉ុន្តែប្រទេសភាគច្រើននៅតែស្ថិតក្នុងភាពជាប់គាំង ហើយព្រះវិហារបានធ្វើពិធីអបអរតាមអ៊ីនធឺណិត ដើម្បីបញ្ឈប់ការរីករាលដាលនៃវីរុស ដែលបានសម្លាប់មនុស្សជាង ២ម៉ឺននាក់នៅសហរដ្ឋអាមេរិក។ លោក ត្រាំ បានធ្វើការសម្រេចចិត្តថា តើពេលណាទើបបន្ធូរបន្ថយការបិទប្រទេស ខណៈដែលតំណែងជាប្រធានាធិបតីដ៏ធំបំផុតរបស់លោក ប្រឈមនឹងសម្ពាធប្រកួតប្រជែងពីអ្នកជំនាញសុខភាពសាធារណៈ និងអាជីវកម្ម រួមជាមួយសម្ព័ន្ធមិត្តអភិរក្សមួយចំនួន ដែលចង់បានការវិលត្រឡប់ចូលធ្វើអាជីវកម្មដូចដើមវិញ។

លោក អាន់តូនី ហ្វ៊ស៊ី (Anthony Fauci) អ្នកជំនាញខាងជំងឺរាតត្បាតជើងចាស់ ដែលបានស្វែងរកសកម្មភាពទប់ស្កាត់ការឆ្លងជំងឺដោយស្ងៀមស្ងាត់ បាននិយាយនៅក្នុងបទសម្ភាសន៍តាមទូរទស្សន៍ថា ផ្នែកខ្លះនៃប្រទេសអាចចាប់ផ្ដើមបន្ធូរបន្ថយការរឹតត្បិតនៅក្នុងខែឧសភា៕

អត្ថបទ៖ សុខមាន

from： https://tnaot.com/km/m/detail/article/9129738