ឥណ្ឌា បានអនុវត្តច្បាប់បម្រាប់គោចរយ៉ាងតឹងតែង​បំផុត ដើម្បីទប់ស្កាត់ការឆ្លងរាល​ដាលកូវីដ-១៩​ នៅក្នុងប្រទេសនេះ​។ ចំពោះពលរដ្ឋឥណ្ឌា អាចនឹងត្រូវប៉ូលិសប្រើរំពាត់វាយ។ ចំណែកអ្នទេសចរជនជាតិបរទេសវិញ គឺត្រូវ​សរសេរពាក្យ «ខ្ញុំសុំទោស» ដល់ទៅ​៥០០ដង​នៅនឹងកន្លែង។

តាមសារព័ត៌មាន​ SCMP ​នៅថ្ងៃទី​១៣ ខែមេសា បានផ្សាយថា អ្នកទេសចរបរទេស​មាន​ជនជាតិអ៊ីស្រាអែល អូស្ត្រាលី ម៉ិចស៊ីក និងអូទ្រីស បានបំពានច្បាប់បម្រាបគោចរ នៅក្នុងស្រុក Rishikesh ភាគខាងជើងប្រទេសឥណ្ឌា​។ ស្នងការប៉ូលិស នៅក្នុងតំបន់ លោក​ Vinod Sharma  បានឲ្យដឹងថា អ្នកទេសចរបរទេស ដែលបំពានច្បាប់ ត្រូវពិន័យ​ឲ្យសរសេរ ពាក្យថា «ខ្ញុំមិនបាន​គោរពច្បាប់បម្រាបគោចរ​ ឲ្យខ្ញុំសុំទោស​ផង»​ សរសេរដល់ទៅ​៥០០ដង​។ បច្ចុប្បន្ននៅក្នុងស្រុក Rishikesh មានអ្នកទេសចរបរទេស រហូតដល់ទៅ៧០០នាក់​នៅទីនោះ ។

ប៉ូលិសឥណ្ឌា បានស្នើឲ្យអ្នកទេសចរ​ទាំងអស់ នៅក្នុងសណ្ឋាគារ ហើយបើចងចេញ​ទៅក្រៅ​ទិញសម្ភារ លុះត្រាតែដើរទៅជាមួយមនុស្សរស់នៅក្នុងតំបន់នោះ។

ឥណ្ឌាត្រូវបានគេចាត់ទុកជាប្រទេសដែលមានការរឹតត្បិតធ្វើដំណើរតឹងតែងបំផុត នៅលើ​ពិភពលោក។ ប៉ូលិសប្រើគ្រប់វិធីសាស្ត្រ​ ទាំងវាយនឹងរំពាត់ ចាប់សរសេរ​ …ជាដើម។ ប៉ូលិស​ដែលយាមល្បាត គឺបានពាក់មួក មានរូបកូវីដ​នៅលើក្បាល ដើម្បីបន្លាច​ដល់ពលរដ្ឋ កុំឲ្យចេញពីផ្ទះ ព្រោះវា​អាចឆ្លងកូវីដ​១៩គ្រប់ពេលវេលា៕ ប្រែសម្រួលដោយ៖ MEO

from： https://tnaot.com/km/m/detail/article/9129627