Welcome

Labore et dolore magna aliqua. Ut enim ad minim veniam

Select Your Favourite
Category And Start Learning.

កូវីដ-១៩ ឆ្លងដល់មនុស្សជិត​១,៩លាននាក់ ស្លាប់ ជាង​១១៥ពាន់នាក់ លើពិភពលោក

ក្នុងរយៈពេល​២៤ម៉ោងចុងក្រោយនេះ នៅលើពិភពលោកទាំងមូល​ មានករណីឆ្លងកូវីដ-១៩ កើនឡើងបន្ថែមដល់ទៅ​ជាង ៦៩ ៨០០នាក់ និងស្លាប់​ជាង​៥២០០នាក់ ក្នុងនោះអាមេរិក ស្លាប់ច្រើនជាងគេ មានជិត​១៥០០នាក់ ។ បើសរុ​បអ្នកឆ្លងកូវីដ១៩ នៅលើពិភពលោក កើន​ឡើងជិត ១,៩ និងស្លាប់​កើនឡើងជាង​១១៥ពាន់នាក់។

អាមេរិកនៅតែជាសម្បុកកូវីដ-១៩ ដ៏ធំ នៅលើពិភពលោកដដែល ដោយក្នុងរយៈពេល​២៤ម៉ោង​ អាមេរិកមានអ្នកឆ្លងដល់ទៅ ​២៥ ៧៧២នាក់ ធ្វើឲ្យអ្នកឆ្លងកើនឡើងដល់ទៅ​ជាង​៥៥៨ពាន់នាក់ ស្លាប់ ១ ៤២៥ នាក់ថ្មី ធ្វើឲ្យអ្នកស្លាប់កើនឡើងជាង​២២ពាន់នាក់។

ក្រោយពេលមានអ្នកឆ្លង និងស្លាប់ច្រើន​ ជារៀងរាល់ថ្ងៃ រដ្ឋាភិបាលអាមេរិក​បានអំពាវនាវដល់​ពលរដ្ឋ​ពាក់ម៉ាស់គ្រប់ៗគ្នា ដើម្បីការពារខ្លួនឯង និងទប់ស្កាត់ការចម្លងដល់អ្នកដទៃទៀត ។

បើទោះបីមានអ្នកឆ្លង និងស្លាប់កើនឡើងខ្ពស់ ប៉ុន្តែរដ្ឋាភិបាលប្រធានាធិបតីអាមេរិក ដូណាល់ ត្រាំ​ បានកំណត់គោលដៅ នៅថ្ងៃទី​១ ខែឧសភា គឺជាពេលវេលាអាចបន្ធូរបន្ថយ ច្បាប់​បម្រាមគោចរ ។​

សារព័ត៌មាន​ ABC ​​បានដកស្រង់ការប្រកាសរបស់លោក Stephen Hahn ប្រធានគណៈកម្មការ ស្បៀងអាហារនិងឱសថអាមេរិក ​បានបញ្ជាក់ថា​ អាមេរិក បានមើលឃើញពន្លឺ នៃចុង​បញ្ចប់​ផ្លូវក្រោមដីដ៏ងងិត។ ពលរដ្ឋនឹងបានវិលត្រឡប់ទៅធ្វើការវិញ ក្នុងពេលឆាប់ៗ​នេះ៕ប្រែសម្រួលដោយ៖ MEO

from: https://tnaot.com/km/m/detail/article/9129401