យោងតាមវេបសាយ CGTN របស់ប្រទេសចិន បានចុះផ្សាយថា ប្រជាជនមួយចំនួនបានចាប់ផ្តើមគិតថា ប្រសិនបើអាកាសធាតុត្រជាក់ខ្លាំង អាចធ្វើឲ្យកក ឬសម្លាប់វីរុសនោះ វាពិតជាល្អចំពោះពួកគេ អាចដើរចេញក្រៅផ្ទះ ដើម្បីស្រូបយកខ្យល់អាកាសបរិសុទ្ធ និងទៅទីកន្លែងណាដែលពួកចង់ទៅ។ 

ជាទូទៅ ព្រិលអាចជួយសម្អាតខ្យល់កខ្វក់បាន ដោយសារព្រិលទាំងនោះកើតចេញពីកំណត់ទឹកនៅក្នុងខ្យល់ត្រជាក់ ហើយបង្កើតបានជាផ្កាព្រិល ហើយពួកវានឹងស្អិតជាប់គ្នា បន្ទាប់មកខ្យល់កខ្វក់ទាំងនោះ នឹងធ្លាក់ចុះមកដី ហើយក៏បង្កើតមានខ្យល់បរិសុទ្ធឡើងវិញ បែបនេះហើយទើបមនុស្សភាគច្រើនចង់ចេញទៅក្រៅ ក្នុងអំឡុងពេលរដូវរងា។

ទោះបីជាយ៉ាងណា វាមិនមានន័យថា អាកាធាតុត្រជាក់ខ្លាំង អាចធ្វើឲ្យកក ឬអាចសម្លាប់វីរុសកូរ៉ូណាបាននោះទេ នេះបានយោងតាម អ្នកជំនាញ ដែលមកពីមន្ទីរពេទ្យ Beijing បានមានប្រសាន៍ ។ មួយវិញទៀត មិនប្រាកដថាវីរុសទាំងអស់ នឹងមិនធ្វើសកម្មភាព ក្នុងសីតុណ្ហភាពទាប ។

ចំពោះវីរុសទាំងអស់ គឺនៅមិនទាន់មានការទាញសេចក្តីសន្និដ្ឋានណាកំណត់យកច្បាស់លាស់នៅឡើយទេ ។ 

ផ្អែកលើការវិភាគខាងលើ អ្នកមិនត្រូវចេញទៅក្រៅ ឬលេងជាមួយព្រិលទឹកកក ព្រោះអាចបណ្តាលឲ្យអ្នកឆ្លងវីរុសនេះបាន ។

ត្រូវមានការប្រុងប្រយ័ត្នខ្ពស់ ពាក់ម៉ាសជាប់និច្ច និងលាងសម្អាតដៃឲ្យបានទៀងទាត់ ដែលវិធីទាំងនេះពិតជាចាំបាច់ណាស់ ក្នុងការការពារអ្នកពីការឆ្លងវីរុសកូរ៉ូណា៕ ប្រែសម្រួលដោយ ៖ ម៉ារីណា

from： https://tnaot.com/km/m/detail/article/9127278