ចក្រភពអង់គ្លេស​​ប្រកាសផ្តល់ប្រាក់ជំនួយ​ជាង​២០០លានដុល្លារអាមេរិក​ ឲ្យដល់​អង្គការសុខភាពពិភពលោក​ ដើម្បីជួយទប់ស្កាត់​រលកទីពីរនៃការឆ្លងរាតត្បាត​ពីវីរុស COVID-19 ។

អង្គការសុខភាពពិភពលោក ហៅកាត់ថា WHO បានធ្វើបច្ចុប្បន្នភាពចុងក្រោយបំផុត​អំពីករណី COVID-19ថា នៅជុំវិញពិភពលោក វីរុសនេះ​បានឆ្លងលើមនុស្ស​សរុប ១ ៦១៤ ៩៥១ នាក់ នៅដែនដី និងប្រទេសសរុប​២១៣ ជុំវិញពិភពលោក ។ 

រដ្ឋមន្រ្តីអភិវឌ្ឍន៍អន្តរជាតិចក្រភពអង់គ្លេស លោកស្រី Anne-Marie Trevelyan បានថ្លែងកាលពីថ្ងៃទី១២ ខែមេសាថា ចក្រភពអង់គ្លេសកំពុងផ្តល់ប្រាក់ជាង ២៤៨ លានដុល្លារជាជំនួយដល់អង្គការសុខភាពពិភពលោក និងអង្គការសប្បុរសធម៌ ដើម្បីជួយប្រទេសកំពុងអភិវឌ្ឍន៍ប្រយុទ្ធប្រឆាំងនឹង COVID-19 និងដើម្បីការពារកុំអោយមានការឆ្លងវីរុសនេះ ។

យោងតាមទិន្នន័យពីក្រសួងសុខាភិបាលចក្រភពអង់គ្លេស ចំនួនករណីឆ្លងវីរុស COVID-19 នៅក្នុងប្រទេស បានកើនឡើងដល់ ៧៨.៩០០ នាក់ ក្នុងនោះចំនួនអ្នកស្លាប់កើនជាង ៩៨០០ នាក់ ៕ ប្រែសម្រួលដោយៈ thach yat 

from： https://tnaot.com/km/m/detail/article/9127111