លោក Feng Luzhao ជាអ្នកស្រាវជ្រាវនៃមជ្ឈមណ្ឌលចិន ក្នុងការគ្រប់គ្រងនិងការពារជំងឺ ដែលហៅកាត់ថា (CDC) បាននិយាយនៅក្នុងសន្និសីទសារព័ត៌មានមួយថា “ឱកាសក្នុងការឆ្លងវីរុសកូរ៉ូណា គឺអាចមាននៅលើអាហារ បន្លែ សាច់ និងផ្លែឈើ ដែលមិនបានលាងសម្អាត និងចម្អិនឲ្យបានត្រឹមត្រូវ ។ ដូច្នេះហើយទើបយើង ត្រូវប្រុងប្រយ័ត្នឲ្យបានខ្ពស់ ក្នុងការរៀបចំអាហារទាំងនោះ ឲ្យចៀសផុតពីការឆ្លង ។ 

 អ្នកត្រូវចម្អិនសាច់ ស៊ុត និងបន្លែ ឲ្យបានឆិ្អនល្អ មុនពេលទទួលទាន។ វីរុសកូរ៉ូណា អាចនឹងស្លាប់ក្នុងសីតុណ្ហភាព ៥៦ អង្សា ក្នុងរយៈពេល ៣០នាទីឡើងទៅ ហើយអាចឈានទៅដល់សីតុណ្ហភាព ១០០ អង្សា ឬខ្ពស់ជាងនេះ ក្នុងអំឡុងពេលដែលអ្នកកំពុងចម្អិនវា នេះបើយោងតាមវេបសាយផ្លូវការរបស់ CDC ។

ត្រូវប្រើសំភារៈផ្ទះបាយផ្សេងៗពីគ្នា រួមមាន កាំបិត ជ្រុញ ចាន សម្រាប់ដាក់អាហារឆៅ និងឆ្អិនឲ្យដាច់ដោយឡែក ដើម្បីចៀសវាងការឆ្លង ។ 

ដើម្បីឲ្យមានសុវត្ថិភាពជាងនេះ អ្នកគួរតែទទួលទានអាហារ ដែលអ្នកបានចម្អិនភ្លាមៗ ប្រសិនបើអ្នកមិនអាចទទួលទានវាបានភ្លាមៗនោះទេ សូមកុំទុកអាហារទាំងនោះ ចោលនៅក្នុងបន្ទប់ ចាប់ពី ២ ម៉ោងឡើងទៅ។ បន្ទាប់ពីចម្អិន និងមុខទទួលទានអាហារ អ្នកត្រូវលាងសម្អាតដៃជាមួយទឹក និងសាប៊ូឲ្យបានស្អាត ៕ ប្រែសម្រួលដោយ៖ ម៉ារីណា

from： https://tnaot.com/km/m/detail/article/9123995