Welcome

Labore et dolore magna aliqua. Ut enim ad minim veniam

Select Your Favourite
Category And Start Learning.

ថៃផ្អាករាល់គម្រោងទិញអាវុធ ទុកប្រាក់ទប់ទល់សង្គ្រាម ប្រឆាំងកូវីដ-១៩

នាយករដ្ឋមន្ត្រីថៃ លោក ប្រាយុទ្ធ ចាន់អូចា ​បានចេញបញ្ជាឲ្យផ្អាកគម្រោងទិញអាវុធទំាងអស់​ ក្នុងនោះមានទាំងគម្រោងទិញនាវាមុជទឹកពីរគ្រឿងរបស់កម្លាំងទាហានជើងទឹក ទុកប្រាក់ដើម្បីទប់ស្កាត់​ការឆ្លងរាលដាលនៃកូវីដ-១៩។

នៅថ្ងៃទី​១១ខែមេសា រដ្ឋាភិបាលថៃ បានផ្ញើលិខិតទៅកាន់ក្រសួងការពារជាតិ ស្នើកាត់បន្ថយការចំណាយ១០ ភាគរយដើម្បីជួយដល់គម្រោងរបស់រដ្ឋាភិបាល ​ក្នុងសង្គ្រាម ប្រឆាំងកូវីដ-១៩។

នៅថ្ងៃទី​១១ខែមេសា​ថៃមានករណីឆ្លងកូវីដ-១៩ ថ្មីមាន​៤៥ករណី ធ្វើឲ្យចំនួនអ្នកឆ្លងកើនឡើងដល់ ជាង​២៥០០នាក់ និងស្លាប់​ថ្មី២នាក់ទៀត ធ្វើឲ្យអ្នកស្លាប់កើនឡើង​៣៥នាក់ផងដែរ។ ក្រៅពីនេះថៃមានអ្នកជាសះស្បើយពីជំងឺកើនឡើងដល់ទៅ​ជាង​១ពាននាក់ផងដែរ ។

ថៃ​បានប្រកាសអាសន្ន ចាប់ពីថ្ងៃទី​២៦ខែមីនា រហូតដល់ថ្ងៃទី​៣០​ខែមេសា​ ឲ្យហាមពលរដ្ឋ​ធ្វើដំណើរចាប់ពីម៉ោង​២២ដល់ម៉ោង​៤ភ្លឺ។ ប៉ុន្តែដោយសារតែមានពលរដ្ឋ​ជាច្រើនបានបំពាន រដ្ឋាភិបាល នឹងអនុវត្តច្បាប់​តឹងតែងជាងនេះ ។

កន្លងមករដ្ឋាភិបាលក៏បានអនុម័តច្បាប់ ហាមប្រាមពលរដ្ឋ រៀបចំពិធី ជះទឹកនៅក្នុងឱកាស​បុណ្យសង្ក្រាន បើអ្នកបំពានអាចនឹងត្រូវជាប់គុក៕ ប្រែសម្រួលដោយ៖MEO

from: https://tnaot.com/km/m/detail/article/9123606