Welcome

Labore et dolore magna aliqua. Ut enim ad minim veniam

Select Your Favourite
Category And Start Learning.

អាជ្ញាធរឆែកអនុញ្ញាតឲ្យពលរដ្ឋអាចដេកហាលថ្ងៃអាក្រាតកាយបាន តែត្រូវពាក់ម៉ាស់

សម័យកាលកូវីដ-១៩ ​អ្នកអាក្រតកាយដេកហាលថ្ងៃ ក៏ត្រូវពាក់ម៉ាស់ដែរ។ កម្លាំងប៉ូលិសប្រទេសឆែកបាន​​រឹតបន្តឹងយ៉ាងខ្លាំង ដើម្បីទប់ស្កាត់ការឆ្លងរាលដាល នៃវីរុស​កូវីដ-១៩។ ទោះជាយ៉ាងណា ប៉ូលិសមិនបាន​ហាមឃាត់ដល់ពលរដ្ឋណាម្នាក់ ដែលចង់ទៅដេកអាក្រាតកាយហាលថ្ងៃនោះឡើយ​ ប៉ុន្តែពួកគេត្រូវតែពាក់ម៉ាស់ការពារវីរុសកូវីដ១៩ជាប់ជានិច្ច​។

កាលពីខែមីនា ប៉ូលិសឆែក​​បានស្នើដល់ពលរដ្ឋ​ទាំងអស់​ ត្រូវតែពាក់ម៉ាស់ ពេលចេញពីផ្ទះសម្បែង​ ក្រោយពេលប្រកាសដាក់ប្រទេស ក្នុងគ្រាមានអាសន្ន ​ដោយសារកូវីដ-១៩កំពុងតែ​រាលដាលយ៉ាងខ្លាំង​ នៅក្នុង​ទ្វីបអឺរ៉ុប។

រហូតមកដល់ពេលនេះ ប្រជាពលរដ្ឋមួយចំនួនធំនៅតែមានការព្រួយបារម្ភយ៉ាងខ្លាំងអំពីការឆ្លងរាលដាល នៃកូវីដ-១៩ ហើយប៉ូលិសក៏តែងតែទទួលទូរស័ព្ទជាច្រើន អំពីការត្អូញត្អែ​រថា​ ពលរដ្ឋរស់នៅស្រុក​ Lazne Bohdanec ​នាភាគខាងកើត នៃទីក្រុង​ Prague បាននាំគ្នាទៅដេកអាក្រាតកាយ​ហាលថ្ងៃ​។

ក្នុងចំណោមមនុស្ស​១៥០នាក់ ដែលប៉ូលិសរកឃើញ មានពាក់កណ្តាលមិនគោរពច្បាប់​ ដោយមិនបានពាក់ម៉ាស់ នៅទីសាធារណៈ។ ប៉ុន្តែក្រោយពេលណែនាំ​រួចមក ពលរដ្ឋបានគោរពទៅតាមច្បាប់ ដែលបានកំណត់។

ពលរដ្ឋឆែកទទួលបានការអនុញ្ញាត ឲ្យអាក្រាតកាយហាលថ្ងៃ នៅក្នុងតំបន់​ដែលបានកំណត់ ប៉ុន្តែត្រូវតែពាក់ម៉ាស់ការពារជំងឺឆ្លង៕ ប្រែសម្រួលដោយ MEO

from: https://tnaot.com/km/m/detail/article/9123082