Welcome

Labore et dolore magna aliqua. Ut enim ad minim veniam

Select Your Favourite
Category And Start Learning.

ការលក់ស្រាត្រូវបានគេហាមឃាត់នៅទីក្រុងបាងកកចាប់ពីថ្ងៃទី១០ដល់២០ ខែមេសា

រដ្ឋបាលក្រុងបាងកក (BMA) នឹងហាមឃាត់រាល់ការលក់ដុំនិងលក់រាយស្រាចាប់ពីថ្ងៃសុក្រ រហូតដល់ថ្ងៃទី២០ ខែមេសា ដើម្បីចៀសផុតពីការជួបជុំពិសាគ្រឿងស្រវឹង នៅក្នុងអំឡុងពេលពិធីបុណ្យចូលឆ្នាំ។

លោក Pol Cpt Pongsakorn Kwanmuang អ្នកនាំពាក្យសាលាក្រុងបាននិយាយនៅថ្ងៃនេះថា គណៈកម្មាធិការប្រយុទ្ធនឹងជំងឺឆ្លងនៅទីក្រុងបាងកកកំពុងធ្វើសេចក្តីព្រាងនៃសេចក្តីប្រកាសជាផ្លូវការ។ ការហាមឃាត់នេះនឹងត្រូវអនុវត្តចំពោះហាងលក់ទំនិញរាយ ផ្សារទំនើប រោងភាពយន្ត រួមទាំងកន្លែងហាត់កីឡា ហាងកាត់សក់ ហាងកែសម្ផស្ស ហាងម៉ាស្សា ក្លិបហាត់ប្រាណ កន្លែងកម្សាន្តនិងអាងហែលទឹកសាធារណៈ។

រូបតំណាង

លោក Pongsakorn បាននិយាយថាអ្នកដែលត្រូវការទៅខាងក្រៅក្នុងអំឡុងពេលបម្រាមគោចរពេលយប់ អាចចូលទៅក្នុងគេហទំព័ររបស់សាលារាជធានីបាងកកដើម្បីទាញយកពាក្យសុំការអនុញ្ញាត។ ប្រសិនបើនរណាម្នាក់សង្ស័យថាខ្លួនបានឆ្លងវីរុសកូរ៉ូណា នោះអាចចូលទៅគេហទំព័ររបស់សាលាក្រុង: bkkcovid19 នេះបាន។ បន្ទាប់មកមន្រ្តីរដ្ឋបាលក្រុងនឹងធ្វើការទំនាក់ទំនងទៅកាន់អ្នក ប្រសិនបើអ្នកស្ថិតនៅស្ថានភាពមានអាសន្នគ្រូពេទ្យនឹងរៀបចំដឹកជញ្ជូនទៅមន្ទីរពេទ្យ។

កែសម្រួលដោយ៖​ ភារ៉ា

ប្រភព៖ Thai PBS WORLD

from: https://tnaot.com/km/m/detail/article/9119428