រដ្ឋាភិបាលរបស់ប្រធានាធិបតីអាមេរិក លោក ដូណាល់ ត្រាំ បានសម្រេចបណ្តេញ​ជនភៀសខ្លួនខុសច្បាប់ ចំនួន១ម៉ឺននាក់ ​ចេញពីទឹកដីអាមេរិក​​ ចាប់ពីថ្ងៃទី២១ ខែមេសា ទៅ ដើម្បីបង្ការឆ្លងកូវីដ-១៩។

មន្ត្រីអាមេរិក បានប្រើប្រាស់ស្ថានភាពគ្រាអាសន្ន នៃសុខភាពសាធារណៈ​នេះ ដើម្បីទុកជាហេតុផល សម្រាប់បណ្តេញជនភៀសខ្លួនខុសច្បាប់​ នៅតាមបណ្តោយព្រំដែន ជាទីកន្លែង ដែល​អាមេរិកកំពុងតែព្រួយបារម្ភ ភ័យ​ខ្លាច​ឆ្លងកូវីដ-១៩។

មន្ត្រីអន្តោប្រវេសន៍ នៅព្រំដែនអាមេរិក​ បានឲ្យដឹងថា មានជនអន្តោប្រវេសន៍ខុសច្បាប់ ប្រមាណ​២ម៉ឺននាក់ ហើយចំនួនអ្នកឆ្លងព្រំដែនដោយខុសច្បាប់ នៅអាមេរិក បានថយចុះ រហូតដល់ទៅ​៥៦ភាគរយ។ ស្របពេលស្ថានភាពកូវីដ១៩កំពុងតែរាតត្បាតផង ទើបអាមេរិកយកលេសបិទព្រំដែន មិនទទួលសំណើសុំភៀសខ្លួន នាពេលនេះឡើយ។

អាមេរិកមានការឆ្លងវីរុសកូវីដ-១៩​ ច្រើនជាងគេបំផុត នៅលើពិភពលោក​ ដោយគិតមកទល់ពេលនេះ អាមេរិកមានអ្នកឆ្លងសរុបកើនឡើងដល់ទៅជាង​៤៦៤ពាន់នាក់ ស្លាប់កើនឡើងជាង​១៦ពាន់នាក់ និងជាសះស្បើយពីជំងឺ​ជាង២៥ពាន់នាក់​៕ ប្រែសម្រួលោដយ៖MEO

from： https://tnaot.com/km/m/detail/article/9118368