Sign In 
សង្គម
ចាប់ពីម៉ោង ១២យប់នេះ ការធ្វើចរាចរណ៍ចេញចូលភ្នំពេញ ឆ្លងខេត្តមួយទៅខេត្តមួយ នឹងផ្អាកបណ្តោះអាសន្ន
ភ្នំពេញ៖ ចាប់ពីវេលាម៉ោង ១២យប់រំលងអធ្រាត ថ្ងៃទី ៩ ឈានចូលថ្ងៃទី ១០ មេសា គ្រប់ការធ្វើចរាចរណ៍ពីស្រុកមួយ ទៅស្រុកមួយ ពីខេត្តមួយទៅខេត្តមួយ រួមទាំងការធ្វើដំណើរចេញចូលរាជធានីភ្នំពេញ (មិនរាប់បញ្ចូលការធ្វើចរាចរណ៍ក្នុងរាជធានីភ្នំពេញ) នឹងត្រូវផ្អាកជាបណ្តោះអាសន្ន រហូតដល់ម៉ោង ១២យប់រំលងអធ្រាត ថ្ងៃទី ១៦ ឈានដល់ថ្ងៃទី ១៧ មេសា ឆ្នាំ២០២០។
នេះបើយោងតាមបទបញ្ជាបន្ទាន់របស់រដ្ឋាភិបាល ចុះហត្ថលេខាដោយសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រ ដោយបញ្ជាក់ថា ការផ្អាកចរាចរណ៍ខាងលើ ដើម្បីចូលរួមទប់ស្កាត់ ការរីករាលដាលជំងឺកូវីដ ១៩ នៅទូទាំងប្រទេស និងតម្រូវឲ្យពលរដ្ឋទូទាំងប្រទេសអនុវត្តជាកំហិត៕
ដោយ៖ ត្នោត
