Welcome

Labore et dolore magna aliqua. Ut enim ad minim veniam

Select Your Favourite
Category And Start Learning.

ក្មេងប្រុស​អាយុ​១២ឆ្នាំ នៅប្រទេសន័រវេស ត្រូវនារី២នាក់ចាប់រំលោភបានសម្រេច​

បទឧក្រិដ្ឋ​មួយនេះ​បានបែកធ្លាយតាមរយៈការថត​វីដេអូ និងចែករំលែកតៗគ្នា​ក្នុងចំណោមក្មេង​មិនទាន់គ្រប់អាយុ ហើយបានធ្លាយ​ដល់អាជ្ញាធរមានសមត្ថកិច្ច ។ 

ស្ត្រីវ័យក្មេង​២នាក់​បានរងចោទប្រកាន់​ពីបទរំលោភ​​ផ្លូវភេទ​លើក្មេងប្រុស​អាយុ​១២ឆ្នាំម្នាក់ ស្ថិតនៅ​ទីក្រុង Sarpsborg ប្រទេស​ន័រវេស ។ នេះបើតាមការផ្សាយ​របស់ប្រភពព័ត៌មាន​ NRK របស់ប្រទេសន័រវេស ។ 

ប្រភពបានបន្តថា បទឧក្រិដ្ឋនេះ​បានកើតឡើង​នៅក្នុងខែឧសភា ឆ្នាំ២០១៩ នៅពេលដែលក្មេងប្រុសរងគ្រោះ​ត្រូវបានអញ្ជើញ​​​ដោយក្មេងស្រីវ័យក្មេង​ពីររូប ដែលម្នាក់អាយុ​១៩ឆ្នាំ ហើយម្នាក់ទៀត​អាយុ​១៧ឆ្នាំ ។ ចំណែក​ក្មេងស្រី​ម្នាក់ផ្សេងទៀត​អាយុ​១៥ឆ្នាំ ក៏បានវត្តមាន​នៅពេលនោះផងដែរ ។ 

ប្រភពបន្តថា នៅទីបំផុត​នារីពីររូប​បានឡើង​ទៅជាន់លើ ទៅបន្ទប់គេង​ ហើយបានរួមភេទជាមួយគ្នានឹងក្មេងប្រុស​អាយុ១២ឆ្នាំ ។ នារីអាយុ​១៩ឆ្នាំ​​ ក៏នៅបានរកឃើញទោសកំហុស​ពីបទ​ថតវីដេអូ ហើយបានចែករំលែក​វីដេអូ​នោះ​ទៅឲ្យក្មេងស្រីអាយុ​១៥ឆ្នាំម្នាក់ផ្សេងទៀត ។ 

ការរំលោភ​ផ្លូវភេទ​លើក្មេងរូប​នេះ​ បានបែកធ្លាយ​នៅរយៈពេល​២ថ្ងៃក្រោយមក ពេលដែល​ក្មេងស្រីអាយុ​១៥ឆ្នាំ​ម្នាក់នោះ បានប្រាប់​គ្រូបង្រៀន​របស់នាង នូវអ្វីដែល​បានកើតឡើង ។ ខាងសាលា​ក៏បានរាយការណ៍​ករណីនេះ​ភ្លាមៗ​ទៅឲ្យសមត្ថកិច្ច​អាជ្ញាធរ ។ 

យោងទៅតាមសាលក្រម ក្មេងប្រុស​អាយុ១២ឆ្នាំដែលត្រូវស្ត្រី​២នាក់​ចាប់រំលោភនោះ មិនបានទទួលរងនូវអំពើហិង្សា, ការគាបសង្កត់, គំរាមកំហែង ឬ​ការបញ្ចុះបញ្ចូលអ្វីឡើយ ។ ទោះយ៉ាងណាក៏ដោយ ច្បាប់បានកំណត់ថា ​រាល់ទំនាក់ទំនងផ្លូវភេទជាមួយកុមារអាយុក្រោម១៤ឆ្នាំ ជាការរំលោភសេពសន្ថវៈ ។ ក្នុងករណីនេះ ការរំលោភសេពសន្ថវៈត្រូវបានកំណត់ជាសរុប ព្រោះវាត្រូវបានប្រព្រឹត្តដោយមនុស្សជាច្រើន ។

នារីវ័យ១៩ឆ្នាំត្រូវផ្តន្ទាទោសឱ្យជាប់ពន្ធនាគាររយៈពេល៣ឆ្នាំ ប៉ុន្តែបន្ទាប់ពីការវាយតម្លៃអំពីមុខងារសង្គម និងអារម្មណ៍របស់នាង តុលាការបានចាត់ទុកថាការជាប់ពន្ធនាគារដោយគ្មានលក្ខខណ្ឌនោះ មានលក្ខណៈធ្ងន់ធ្ងរពេក ក៏បានបន្ធូរបន្ថយទោស មកនៅត្រឹមរយៈពេល២ឆ្នាំ៨ខែ ។ ដូច្នេះ មានន័យថា ស្ត្រីរូបនេះ ត្រូវជាប់ពន្ធនាគាររយៈពេល១២០ថ្ងៃ។

 ចំណែកដៃគូរបស់នាងម្នាក់ទៀត​អាយុ​១៧ឆ្នាំ​​​​ ត្រូវបាន​ដាក់ទោស ​ដែលហៅថា «ការពិន័យចំពោះអនីតិជន» ។ នៅក្នុងប្រទេសន័រវេស​ ការពិន័យចំពោះអនីតិជន​នេះ គឺជាជម្រើស​មួយ​​ចំពោះ​ការ​ពិន័យសង្គម​តឹងរ៉ឹង និង​ការ​ជាប់គុក​ដោយ​ឥតលក្ខខណ្ឌ ចំពោះ​មនុស្សវ័យក្មេង​អាយុ​១៥ឆ្នាំ​ដល់​អាយុ១៨ឆ្នាំ ។ អ្នកជាប់ចោទត្រូវទៅបង្ហាញមុខនៅប៉ុស្តិ៍ប៉ូលិស និង​អាជ្ញាធរ​សុខុមាលភាព​កុមារ និង​​ស្ថិតក្រោមការតាមដានជាប្រចាំ ក្នុងគោលដៅកែប្រែ​ ។ 

នារីទាំងពីរ​នាក់​នេះ ក៏នៅ​ត្រូវផ្តន្ទាទោស​ឲ្យសងសំណង​​ប្រហែល ​៧ ៣០០ ដុល្លារអាមេរិក​ ថ្លៃខូចខាត​​ទៅលើក្មេងប្រុសរងគ្រោះផងដែរ ៕ ប្រែសម្រួលដោយ៖​ thach yat 

from: https://tnaot.com/km/m/detail/article/9115525