រថយន្ត Rezvani Tank ស៊េរីឆ្នាំ ២០២០ ជាប្រភេទរថយន្ត Suv ដែលមានការរចនាឡេីងយ៉ាងប្រណិតជាមួយការផ្លាស់ប្ដូររូបរាងថ្មីខុសពីមុន។ គូសបញ្ជាក់ថា រថយន្ត Rezvani Tank ស៊េរីថ្មីនេះ បានបង្ហាញមុខជាលើកដំបូងនៅក្នុងកម្មវិធី Monterey Car Week នាថ្ងៃទី១៦ ខែសីហា ឆ្នាំ២០១៩ ដោយវាមានចែកចេញជាច្រើនប្រភេទ។

យ៉ាងណាមិញ បន្ទាប់ពីមានការទន្ទឹងរង់ចាំពីមហាជនជាច្រើននោះ នៅព្រឹកថ្ងៃនេះដែរ ត្រូវនឹងថ្ងៃទី៣០ ខែមករា ឆ្នាំ២០២០ នេះ រថយន្ត Rezvani Tank ស៊េរីឆ្នាំ ២០២០ បានដឹកមកដល់ប្រទេសកម្ពុជាហេីយ ដែលទទួលបានសិទ្ធិនាំចូលផ្ដាច់មុខដោយក្រុមហ៊ុនជេតគ្រុប(Jet Group) របស់លោកឧកញ៉ា ស្រី ចាន់ថន។

ជាមួយគ្នានេះដែរ បេីយោងតាមរយៈគណនីផេកហ្វេសប៊ុករបស់លោកឧកញ៉ា ស្រី ចាន់ថន ដែលនៅថ្ងៃនេះបានបង្ហោះពីទិដ្ឋភាពនៃការមកដល់ប្រភេទឡានរថក្រោះ Rezvani Tank មួយនេះ និងបានមានប្រសាសន៍លេីកឡេីងថា៖«ព្រឹកនេះ..!! ឡានហូលីវ៉ូដ បានមកដល់ទឹកដីព្រះរាជាណាចក្រកម្ពុជាយើងហើយ នឹងដាក់តាំងបង្ហាញបងប្អូនទស្សនា នៅ Jet’s Garden Park នៅលើទឹកដី ស្កាយលែន វិហារសួគ៌»។

គួរបញ្ជាក់ថា ចំពោះរថយន្ត Rezvani Tank ស៊េរីឆ្នាំ ២០២០ ដែលទេីបមកដល់ប្រទេសកម្ពុជានេះ គឺមានតម្លៃ275,000 ដុល្លារអាមេរិក។ នេះបេីតាមការបញ្ជាក់ឲ្យដឹងពីក្រុមហ៊ុន Rezvani Tank ប្រាប់មកកាន់ក្រុមការងារ Khmer Osja នាមុននេះបន្តិច។ ចង់ដឹងថាស្រស់ស្អាតអស្ចារ្យប៉ុណ្ណានោះ សូមប្រិយមិត្តរីករាយទស្សនាដូចតទៅ។

សូមទស្សនាវីដេអូខាងក្រោម

from： https://tnaot.com/km/m/detail/article/9108493