Welcome

Labore et dolore magna aliqua. Ut enim ad minim veniam

Select Your Favourite
Category And Start Learning.

COVID-19 ៖ បារាំង​ជួបប្រទះថ្ងៃ​ដ៏សោកសៅ ៨៣៣នាក់​ស្លាប់ក្នុងមួយថ្ងៃ​

នៅក្នុងប្រទេសបារាំង កាលពីថ្ងៃទី​៦ ខែមេសា ឆ្នាំ២០២០ ត្រូវបានកត់ត្រា​ថា​មានអ្នកបាត់បង់ជីវិត​ជាង​៨៣៣​នាក់ ដោយសារជំងឺ COVID-19 ក្នុងរយៈពេល​២៤ម៉ោង ។ នេះជាការ​បាត់បង់ជីវិត​ដ៏ច្រើនបំផុត​ ចាប់តាំងតែពីពេលផ្ទុះជំងឺរាតត្បាត​នេះ​ចាប់ផ្តើមវាយលុក​មក។ នេះបើតាមការចេញផ្សាយរបស់ប្រភពព័ត៌មាន ​france 24 ។ 

លោក Olivier Véran រដ្ឋមន្ត្រីក្រសួងសុខាភិបាល​បារាំង​ បានថ្លែងប្រាប់ប្រភពព័ត៌មានថា «យើងមិនទាន់ឈានដល់ទីបញ្ចប់ ​នៃការឆ្លងរាតត្បាត​នៃជំងឺនេះទេ» ។ ការថ្លែង​របស់រដ្ឋមន្ត្រីសុខាភិបាល​បារាំងបែបនេះ គឺនៅបន្ទាប់ពី​ទិន្ធន័យ​អំឡុងប៉ុន្មានថ្ងៃកន្លងមកនេះ ហាក់បានល្អប្រសើរ​ខ្លះៗ​ផងដែរ។ 

លោក Olivier Véran បានបញ្ជាក់ថា តួលេខ​បាត់បត់ជីវិត​ថ្មីៗ​បំផុតនេះ​ បាននាំឲ្យចំនួនជនរងគ្រោះបាត់បង់ជីវិត ​នៅក្នុង​ប្រទេស​បារាំង​ ចាប់តាំងពីពេលមាន​ជំងឺរាតត្បាត កើនឡើង ​៨ ៩១១នាក់ ។ 

នេះជាការ​រំឭកដាស់តឿន​ដល់ប្រជាជន​បារាំង ដែល​កំពុងស្ថិតនៅក្នុង​ការបិទប្រទេស​តាំងពីថ្ងៃទី១៧ ខែមីនា រហូតមកនោះបានដឹងថា ការប្រយុទ្ធប្រឆាំង​ជាមួយ​វីរុស COVID-19 នេះ នៅឆ្ងាយសន្លឹមទៀត ក្នុងការទទួលបានជ័យជម្នះ ។ 

គួរបញ្ជាក់ថា កាលពីពេលកន្លងមក បារាំង​បានផ្តល់តួលេខ​អ្នកបាត់បង់ជីវិត​តែ​នៅក្នុងមន្ទីរពេទ្យ ។ ដោយឡែក​ករណី​នៅតាម​គ្លីនិកមូលដ្ឋាន​មិនបានចេញប្រកាសនោះឡើយ ហើយទើបតែនៅពេលនេះទេ គេបានបញ្ចូល​គ្នា​ទាំងអ្នកបាត់បង់ជីវិត​នៅមន្ទីរពេទ្យរដ្ឋ និងនៅតាមគ្លីនិក ។ 

គួរបញ្ជាក់ថា នៅក្នុងប្រទេសបារាំង គិតមកត្រឹម​ថ្ងៃទី៧ ខែមេសា ឆ្នាំ២០២០ របស់គេហទំព័រ​ wikipedia បានអះអាងថា មានអ្នកឆ្លងវីរុស COVID-19 សរុបចំនួន ៧៤ ៣៩០នាក់ ក្នុងនោះ​បាត់បង់ជីវិត ៨៩១១នាក់ និង​១៧ ២៥០នាក់​ បានជាសះស្បើយវិញផងដែរ ៕ ប្រែសម្រួលដោយ៖ thach yat 

from: https://tnaot.com/km/m/detail/article/9107045